സംസ്ഥാനത്തെ ന്യൂനപക്ഷ വിദ്യാര്‍ഥി ക്ഷേമ പദ്ധതിയിലെ 80: 20 അനുപാതം റദ്ദാക്കിയ ഹൈക്കോടതി വിധിക്കെതിരെ സംസ്ഥാന സര്‍ക്കാര്‍ അപ്പീല്‍ പോകണമെന്ന് സമസ്ത. നിലവിലെ സ്ഥിതി വിശദമാക്കി ധവളപത്രം ഇറക്കണമെന്ന് എസ് വൈഎസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ വാര്‍ത്താസമ്മേളനത്തില്‍ പറഞ്ഞു. 80:20 അനുപാതം ഒഴിവാക്കി 100 ശതമാനവും മുസ്‌ലിംകള്‍ക്ക് മാത്രമായി നല്‍കണമെന്നും അദ്ദേഹം ആവശ്യപ്പെട്ടു. സമാനമനസ്കരുമായി ചേര്‍ന്ന് പ്രക്ഷോഭത്തിന് നേതൃത്വം നല്‍കുമെന്നും അദ്ദേഹം പറഞ്ഞു.
