ഉപ്പളയില്‍ ഗുണ്ടാസംഘങ്ങള്‍ തമ്മില്‍ ഏറ്റുമുട്ടുന്നത് പതിവായത് പൊലീസിന് തലവേദന സൃഷ്ടിച്ചിരുന്നു. കഴിഞ്ഞ കുറേ മാസങ്ങളായി നാട്ടുകാരെയും പൊലീസിനെയും തോക്കിന്റെ മുള്‍മുനയില്‍ നിര്‍ത്തി ഒട്ടേറെ അക്രമങ്ങളാണ് നടന്നത്. നിരവധി പേരെ തട്ടിക്കൊണ്ട് പോയി പണം ആവശ്യപ്പെട്ടുള്ള സംഭവങ്ങളും ഉണ്ടായി. മിക്ക സംഭവങ്ങളിലും പ്രതികള്‍ ഇപ്പോഴും ഒളിവിലാണ്. പലര്‍ക്കെതിരെയും വാറണ്ട് പുറപ്പെടുവിച്ചിരുന്നു. അതിനിടെയാണ് പ്രതികളെ പിടികൂടാനായി ഡി.വൈ.എസ്.പിയുടെ നേതൃത്വത്തിലുള്ള പൊലീസ് രംഗത്തിറങ്ങിയത്. വരും ദിവസങ്ങളിലും പരിശോധന തുടരും.
