ഇതോടെ അമേരിക്കയില് മരിച്ചവരുടെ ആകെ എണ്ണം 16,991 ആയി. ഇന്നലെ മാത്രം 33,536 പേര്ക്കാണ് രോഗം സ്ഥിരീകരിച്ചത്. ആകെ 468,566 പേര്ക്ക് രോഗം പിടിപെട്ടു. ന്യൂയോര്ക്കിലാണ് ഏറ്റവും കൂടുതല് മരണം. വ്യാഴാഴ്ച 799 പേരാണ് മരിച്ചത്. പുതുതായി 10,333 പേര്ക്ക് രോഗം കണ്ടെത്തുകയും ചെയ്തു.കൊറോണ വൈറസ് 100 ഇറ്റാലിയന് ഡോക്ടര്മാരുടെ ജീവന് എടുത്തതായി ഇറ്റാലിയന് ആരോഗ്യ സംഘടനയായ എഫ്എന്ഒഎംസിഇഒ. മെഡിറ്ററേനിയന് രാജ്യത്ത് രോഗം പടര്ന്നുപിടിച്ച ഫെബ്രുവരി മുതല് രാജ്യത്ത് ഇതുവരെ 100 ഓ 101 ഡോക്ടര്മാര് മരണമടഞ്ഞിട്ടുണെന്ന് അസോസിയേഷന് വക്താവിനെ ഉദ്ധരിച്ച് എഎഫ്പി റിപോര്ട്ട് ചെയുന്നു
അമേരിക്ക കഴിഞ്ഞാല് ഫ്രാന്സിലാണ് ഏറ്റവും കൂടുതല് മരണം ഇന്നലെ ഉണ്ടായത്.
അമേരിക്കയില് പത്തില് ഒരാള്ക്ക് ജോലി നഷ്ടപ്പെടുന്നതായാണ് കണക്കുകള്.
ഫ്രാന്സില് 1,341 പേരാണ് മരിച്ചത്. ഇതുവരെ 12,210 പേര് ആകെ മരണപ്പെട്ടു. 4,799 പേര്ക്ക് പുതുതായി രോഗം സ്ഥിരീകരിക്കുകയും ചെയ്തു. ഇതോടെ രാജ്യത്ത് രോഗം ബാധിച്ചവരുടെ എണ്ണം 117,749 ആയി ഉയര്ന്നു.
24 മണിക്കൂറിനിടെ സ്പെയിനില് 655 ഉം ഇറ്റലിയില് 610 പേരും മരിച്ചു. ബ്രിട്ടനില് മരണസംഖ്യ 7978 ആയി. അതേസമയം ആരോഗ്യസ്ഥിതി ഭേദമായതിനെ തുടര്ന്ന് യുകെ പ്രധാനമന്ത്രി ബോറിസ് ജോണ്സനെ ഐസിയുവില് നിന്ന് മാറ്റി. എന്നാല് അദ്ദേഹം ആശുപത്രിയില് ചികിത്സയില് തുടരുമെന്നും അധികൃതര് വ്യക്തമാക്കി.
ഇന്ത്യയില് കോവിഡ് ബാധിച്ചവരുടെ എണ്ണം 6,412 ആയി. ആകെ മരിച്ചത് 199 പേര്. ഇന്നലെ 520 പേര്ക്കാണ് രോഗം ബാധിച്ചത്. 1,30,000 സാമ്ബിള് പരിശോധനകളാണ് ഇതുവരെ രാജ്യത്ത് നടത്തിയത്. ഇത് കൂട്ടണമെന്ന് കേന്ദ്ര ആരോഗ്യ മന്ത്രാലയം സംസ്ഥാനങ്ങള്ക്ക് നിര്ദ്ദേശം നല്കിയിട്ടുണ്ട്. നാളെ പ്രധാനമന്ത്രി മുഖ്യമന്ത്രിമാരുമായി ചര്ച്ച നടത്തും. അതിന് ശേഷം രണ്ടാം സാമ്ബത്തിക പാക്കേജ് പ്രഖ്യാപിക്കുമെന്നാണ് സൂചന. ലോക് ഡൗണ് നീട്ടുന്നത് സംബന്ധിച്ച് മന്ത്രിതല സമിതിയുടെ യോഗം ഇന്ന് ചേര്ന്നേക്കും. രണ്ട് ദിവസത്തിനകം ലോക് ഡൗണ് നീട്ടുന്നകാര്യത്തില് തീരുമാനം ഉണ്ടാകും.
വൈറസ് പൊട്ടിപ്പുറപ്പെട്ട ചൈനയില് സ്ഥിതി ഏറെക്കുറെ ശാന്തമാണ്. ഇന്നലെ രണ്ടു പേര് മരിച്ചു. പുതുതായി 63 പേര്ക്ക് രോഗം സ്ഥിരീകരിക്കുകയും ചെയ്തു.
