ചെർക്കളയിൽ എംഡിഎംഎ മയക്കുമരുന്നുമായി യുവാവ് അറസ്റ്റിൽ. കോലാച്ചിയടുക്കത്തെ അബ്ദുള്ളയെ(35)യാണ് വിദ്യാനഗർ എസ്.ഐ കൃഷ്ണപ്രസാദും സംഘവും അറസ്റ്റ് ചെയ്തത്. ഇന്നലെ രാത്രിയോടെ ചെർക്കള സ്കൂളിന് സമീപം സംശയ സാഹചര്യത്തിൽ കാർ നിർത്തിയ നിലയിൽ കണ്ടതോടെ പോലീസ് പരിശോധിക്കുകയായിരുന്നു. അബ്ദുല്ലയുടെ കൈവശം 4 ഗ്രാം എംഡിഎംഎ മയക്കുമരുന്നാണ് കണ്ടെത്തിയത്. കൂടുതൽ അന്വേഷണം നടന്നുവരികയാണ്. ആൾട്ടോ കാർ കസ്റ്റഡിയിലെടുത്തു
