തിരുവനന്തപുരം: കളമശേരി മെഡിക്കല് കോളേജില് ജീവനക്കാരുടെ അശ്രദ്ധ മൂലം കോവിഡ് രോഗി മരിച്ച സംഭവത്തില് പ്രാഥമിക അന്വേഷണത്തെ തുടര്ന്ന് നഴ്സിംഗ് ഓഫീസറെ സസ്പെന്ഡ് ചെയ്തു. ജീവനക്കാരുടെ അശ്രദ്ധ മൂലം മരണം സംഭവിച്ചുവെന്ന് വെളിപ്പെടുത്തിയ നഴ്സിംഗ് ഓഫീസര് ജലജ ദേവിയെ ആണ് സസ്പെന്റ് ചെയ്തത്. സംഭവത്തില് വിശദമായ അന്വേഷണം നടത്തി എത്രയും വേഗം റിപ്പോര്ട്ട് നല്കാന് ആരോഗ്യ വിദ്യാഭ്യാസ വകുപ്പ് ഡയറക്ടര്ക്ക് നിര്ദേശം നല്കി.
കളമശ്ശേരി മെഡിക്കല് കോളജ് ആശുപത്രിയിലെ കൊവിഡ് വാര്ഡുകളില് ഗുരുതരാവസ്ഥയില് കഴിയുന്ന രോഗികളില് ചിലര്ക്ക് ജീവനക്കാരുടെ അശ്രദ്ധ മൂലം മരണം സംഭവിച്ചതായി നഴ്സിംഗ് ഓഫീസര് ജലജ ദേവി വെളിപ്പെടുത്തുന്ന ശബ്ദസന്ദേശം പുറത്ത് വന്നതിന് പിന്നാലെയാണ് അന്വേഷണത്തിന് ഉത്തരവിട്ടത്.
