പയ്യന്നൂര്: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില് സ്ഥാനാർഥികള്ക്കും ഏജന്റുമാര്ക്കും മതിയായ സംരക്ഷണം ഉറപ്പുവരുത്തണമെന്ന് ഹൈക്കോടതി ഉത്തരവ്. ഇതു സംബന്ധിച്ച് നടപടികൾ സ്വീകരിക്കാൻ ഹൈക്കോടതി ജില്ലാ പോലീസ് മേധാവിക്ക് നിർദേശം നൽകി. യുഡിഎഫ് തെരഞ്ഞെടുപ്പ് കമ്മിറ്റി കണ്വീനര് എ.പി.നാരായണന് നല്കിയ ഹർജിയിലാണ് കോടതിയുടെ നിർദേശം. രാമന്തളി പഞ്ചായത്ത് മൂന്നാം വാര്ഡ് സ്ഥാനാഥി കെ.വി.ആബിദയ്ക്കും പതിനഞ്ചാം വാര്ഡ് സ്ഥാനാർഥി കെ.പി.രാജേന്ദ്രകുമാര്, എരമം- കുറ്റൂര് പഞ്ചായത്ത് 12-ാം വാര്ഡ് സ്ഥാനാര്ത്ഥി എം.മുര്ഷിദ് എന്നിവര്ക്കും ഏജന്റുമാർക്കും സംരക്ഷണം നല്കണമെന്നാണ് കോടതി ഉത്തരവ്. അഡ്വ.പി.എം.ഹബീബ് മുഖേന നല്കിയ ഹര്ജിയിലാണ് ഉത്തരവ്.
വോട്ടര്മാരെ വഴിയില് തടയുന്നില്ലെന്നും ഭീഷണിപ്പെടുത്തുന്നില്ലെന്നും ഉറപ്പുവരുത്തണമെന്നും കോടതി ഉത്തരവിൽ പറയുന്നു.
പ്രശ്നബാധിത ബൂത്തുകളില് വെബ് കാസ്റ്റിംഗും വീഡിയോ കവറേജും ഏര്പ്പെടുത്തുമെന്നും തെരഞ്ഞെടുപ്പ് കമ്മീഷന്റെ അഭിഭാഷകന് കോടതിയെ അറിയിച്ചു.
