കൊച്ചി: രഹസ്യമൊഴി മാധ്യമങ്ങള് വഴിപുറത്തുവന്ന സാഹചര്യത്തില് ജയിലില് തെന്റ ജീവന് ഭീഷണി ഉണ്ടെന്ന് സ്വര്ണക്കടത്ത് കേസിലെ മുഖ്യപ്രതി സ്വപ്ന സുരേഷ്. കോടതിയില് സമര്പ്പിച്ച കത്തിലാണ് ഇക്കാര്യം ചൂണ്ടിക്കാട്ടിയത്.
ഉന്നതരുടെ പേരുകള് പറയരുതെന്നാവശ്യപ്പെട്ട് ജയിലില് ചിലയാളുകള് തന്നെ വന്നു കണ്ടിരുന്നു. കേന്ദ്ര ഏജന്സികളുടെ അന്വേഷണത്തോട് സഹകരിക്കരുതെന്നും ഇവര് ആവശ്യപ്പെട്ടു. ഇവര് പോലീസുകാരാണെന്നാണ് കരുതുന്നത്. തെന്റയും കുടുംബാംഗങ്ങളുടേയും ജീവന് ഭീഷണിയുണ്ട്. തനിക്ക് കൂടുതല് സുരക്ഷ നല്കണം -അഭിഭാഷകന് വഴി നല്കിയ കത്തില് സ്വപ്ന ആവശ്യപ്പെട്ടു.
സ്വര്ണ കടത്ത് കേസുമായി സ്പീക്കര് ശ്രീരാമകൃഷ്ണന് ബന്ധമുണ്ടെന്ന് കെ.
സുരേന്ദ്രന് ആരോപിച്ചിരുന്നു. സ്പീക്കര് അനുമതി കൂടാതെ നടത്തിയ വിദേശ യാത്രകളെല്ലാം ദുരൂഹമാണെന്നും സുരേന്ദ്രന് ആരോപിച്ചിരുന്നു. എന്നാല്, സ്പീക്കറെ അപമാനിക്കാന് കെ. സുരേന്ദ്രന് ബോധപൂര്വം ശ്രമം നടത്തുകയാണെന്ന് സി.പി.എം സംസ്ഥാന സെക്രട്ടറി എ.വിജയരാഘവന് പ്രതികരിച്ചു. കോടതിയില് സമര്പ്പിച്ചുവെന്ന് പറയുന്ന റിപ്പോര്ട്ടിലെ ഉള്ളടക്കം സുരേന്ദ്രന് എങ്ങനെ ലഭിച്ചുവെന്നും വിജയരാഘവന് ചോദിച്ചു. അന്വേഷണവുമായി ബന്ധപ്പെട്ട് പുറത്തുവരുന്ന വിവരങ്ങളെല്ലാം കേന്ദ്ര സര്ക്കാരിന്റെ താല്പര്യങ്ങള്ക്ക് അനുസരിച്ചാണെന്നും വിജയരാഘവന് പറഞ്ഞു.
