തിരുവനന്തപുരം: നിയമസഭ തെരഞ്ഞെടുപ്പ് മെയ് ആദ്യം നടത്തുമെന്ന് മുഖ്യ തെരഞ്ഞെടുപ്പ് ഓഫീസര്‍ ടീക്കാറാം മീണ. രണ്ട് ഘട്ടമായിട്ടായിരിക്കും തെരഞ്ഞെടുപ്പ് നടത്തുക. അല്ലെങ്കില്‍ ഉദ്യോഗസ്ഥ വിന്യാസം ബുദ്ധിമുട്ടാവുമെന്നും ടീക്കാറാം മീണ പറഞ്ഞു.
കഴിഞ്ഞ തവണത്തേക്കാള്‍ 15,000 പോളിങ് സ്റ്റേഷനുകള്‍ അധികമുണ്ടാവും. മെയ് 31നകം ഫലം പ്രഖ്യാപിച്ച്‌ തെരഞ്ഞെടുപ്പ് നടപടികള്‍ പൂര്‍ത്തിയാക്കും. ജനുവരി ആദ്യം വോട്ടര്‍ പട്ടിക പ്രസിദ്ധീകരിക്കും. ഡിസംബര്‍ 31ന് ശേഷം ലഭിക്കുന്ന അപേക്ഷകള്‍ പരിഗണിച്ച്‌ സപ്ലിമെന്‍ററി വോട്ടര്‍ പട്ടിക പ്രസിദ്ധീകരിക്കുമെന്നും മീണ പറഞ്ഞു.
