ന്യൂഡല്ഹി: നിയമസഭ തെരഞ്ഞെടുപ്പിലേക്കുള്ള മുസ്ലിം ലീഗ് സ്ഥാനാര്ഥികളെ വെള്ളിയാഴ്ച പ്രഖ്യാപിക്കും. ലീഗ് സംസ്ഥാന ജനറല് സെക്രട്ടറി കെ.പി.എ മജീദ് ആണ് മുസ്ലിം ലീഗ് സ്ഥാനാര്ഥി പട്ടിക നാളെ പ്രഖ്യാപിക്കുമെന്ന് അറിയിച്ചത്.
അധിക സീറ്റുകളുടെ കാര്യത്തില് തീരുമാനമായിട്ടില്ലെന്ന് കെ.പി.എ മജീദ് പറഞ്ഞു. മലപ്പുറം ലോക്സഭ മണ്ഡലത്തിലേക്കുള്ള സ്ഥാനാര്ഥിയെയും വെള്ളിയാഴ്ച പ്രഖ്യാപിക്കുമെന്നും അദ്ദേഹം വ്യക്തമാക്കി.
ലീഗ് മത്സരിക്കുന്ന മിക്ക മണ്ഡലങ്ങളിലും ഇപ്പോഴും ഒന്നിലധികം പേരുകളാണ് സ്ഥാനാര്ഥി പരിഗണനയിലുള്ളത്.ഒപ്പം അധികമായി ആവശ്യപ്പെട്ട സീറ്റുകളില് പട്ടാമ്ബി നല്കാനാവില്ലെന്ന കോണ്ഗ്രസ് നിലപാടുമാണ് ലീഗ് സ്ഥാനാര്ഥി നിര്ണയം വൈകിച്ചത്.
പട്ടാമ്ബിക്ക് പകരം പാലക്കാട് ജില്ലയിലെ മറ്റൊരു സീറ്റും അംഗീകരിക്കില്ലെന്നാണ് ലീഗ് നിലപാട്. കോഴിക്കോട് ജില്ലയിലെ എതെങ്കിലും സീറ്റുകളിലായിരിക്കും ലീഗിന്റെ വനിതാ സ്ഥാനാര്ഥി.