വാഷിങ്ടണ്: ഇന്ത്യയില് കണ്ടെത്തിയ കോവിഡിെന്റ രണ്ട് വകഭേദങ്ങള്ക്കെതിരെയും ഫൈസര്, മോഡേണ വാക്സിനുകള് ഫലപ്രദമെന്ന് പഠനം. യു.എസ് ശാത്രജ്ഞരാണ് ഇതുമായി ബന്ധപ്പെട്ട പഠനം നടത്തിയത്. എന്.വൈ.യു ഗ്രോസ്മാന് സ്കൂള് ഓഫ് മെഡിസിനില് നടന്ന ലാബ് അധിഷ്ഠിത പഠനത്തിലാണ് ഇക്കാര്യം കണ്ടെത്തിയത്.
പഠനത്തില് വാക്സിനുകളുടെ ആന്റിബോഡികളെ ഇന്ത്യന് വകഭേദം ചെറുതായി ദുര്ബലമാക്കുമെന്ന് കണ്ടെത്തി. പക്ഷേ, അത് നാം മുമ്ബ് പ്രതീക്ഷിച്ച അത്രയും വരില്ല. വാക്സിനുകളുടെ ഫലപ്രാപ്തിയെ ഇത് കാര്യമായി സ്വാധീനിക്കില്ലെന്നും പഠനത്തില് പറയുന്നു.
വാക്സിനുകളുടെ ചില ആന്റിബോഡികള് ജനിതകമാറ്റം സംഭവിച്ച വൈറസിനെതിരെ ഫലപ്രദമല്ല.
കോവിഡിനെക്കുറിച്ചുളള ഏറ്റവും പുതിയ അപ്ഡേറ്റുകള് ഇവിടെ വായിക്കൂ
എന്നാല്, മറ്റ് ചില ആന്റിബോഡികള് വൈറസിനെ പ്രതിരോധിക്കുമെന്ന് കണ്ടെത്തിയതായും പഠനം നടത്തിയ ശാസ്ത്രജ്ഞര് വ്യക്തമാക്കുന്നു. കൂടുതല് പഠനങ്ങള് നടത്തിയാല് മാത്രമേ ഇക്കാര്യത്തില് കൂടുതല് വ്യക്തത വരുവെന്നും അവര് പറഞ്ഞു.
