മേൽപറമ്പ് :കളനാട് കെഎസ്ടിപി പാതയില്‍ വാഹനാപകടം. അതിഥി തൊഴിലാളികള്‍ക്ക് പരിക്ക്. കാഞ്ഞങ്ങാട് ഭാഗത്തേക്ക് പോവുകയായിരുന്ന കാറും താഴേ കളനാട് ജംഗ്ഷനില്‍ നിന്ന് വളവ് തിരിയുകയായിരുന്ന ബൈക്കും കൂട്ടിയിടിക്കുകയായിരുന്നു. ബുധനാഴ്ച ഉച്ചയ്ക്ക് 12 മണിയോടെയായിരുന്നു അപകടം. പരിക്കേറ്റ അതിഥി തൊഴിലാളികളായ രണ്ടുപേരെ ആദ്യം ഉദുമയിലെ സ്വകാര്യ ആശുപത്രിയിലും നില ഗുരുതരമായതിനാല്‍ പിന്നീട് കാസര്‍കോട്ടെ ആശുപത്രിയിലും പ്രവേശിപ്പിച്ചു.
