മുള്ളേരിയ: അടച്ചിട്ട വീടു കുത്തിത്തുറന്ന്‌ സ്വര്‍ണ്ണവും വാച്ചും അരിയും കവര്‍ന്ന കേസില്‍ യുവാവ്‌ അറസ്റ്റില്‍. നൂജിബെട്ടു വിലെ ശ്രീധര (28)നെയാണ്‌ ആദൂര്‍ പൊലീസ്‌ അറസ്റ്റു ചെയ്‌തത്‌. നൂജിബെട്ടുവിലെ നഫീസയുടെ വീട്ടിലായിരുന്നു കവര്‍ച്ച. ഈ മാസം ഒന്‍പതിനു നഫീസയും കുടുംബവും വീടുപൂട്ടി ബന്ധുവീട്ടില്‍ പോയിരുന്നു. തിരിച്ചെത്തിയപ്പോഴാണ്‌ കവര്‍ച്ച നടന്ന വിവരം അറിഞ്ഞത്‌. തുടര്‍ന്ന്‌ പൊലീസില്‍ പരാതി നല്‍കുകയായിരുന്നു. ഒന്നേമുക്കാല്‍ പവന്‍ സ്വര്‍ണ്ണവും രണ്ടു വാച്ചും 15 കിലോ അരിയുമാണ്‌ മോഷണം പോയത്‌.
