വിദ്യാനഗര്‍: ക്വാര്‍ട്ടേഴ്‌സിന്റെ ഒന്നാം നിലയില്‍ നിന്ന് ടൈല്‍സ് ജോലിക്കിടെ വീണ് ഗുരുതരമായി പരിക്കേറ്റ് തൊഴിലാളി മരിച്ചു. കണ്ണൂര്‍ കൂത്തുപറമ്പയിലെ രൂപേഷ് (42) ആണ് മരിച്ചത്. മാര്‍ച്ച് 30ന് രാവിലെ 9 മണിയോടെ ചെങ്കള കെ.കെ. പുറത്ത് ക്വാര്‍ട്ടേഴ്‌സിലെ ടൈല്‍സ് ജോലിക്കിടെയാണ് ഒന്നാം നിലയില്‍ നിന്ന് അബദ്ധത്തില്‍ കാല്‍ വഴുതി വീണത്. ഗുരുതരമായി പരിക്കേറ്റ രൂപേഷിനെ കണ്ണൂര്‍ മെഡിക്കല്‍ കോളേജ് ആസ്പത്രിയില്‍ പ്രവേശിപ്പിക്കുകയായിരുന്നു. ഇന്നലെ വൈകിട്ടോടെയാണ് മരിച്ചത്. വിദ്യാനഗര്‍ പൊലീസ് ഇന്‍ക്വസ്റ്റ് നടത്തി.
