കാസര്‍കോട്: രണ്ടു വ്യത്യസ്ത സംഭവങ്ങളില്‍ മഞ്ചേശ്വരം, കാസര്‍കോട് പൊലീസ് സ്റ്റേഷനുകളില്‍ രണ്ടു പോക്‌സോ കേസുകള്‍ രജിസ്റ്റര്‍ ചെയ്തു.
മഞ്ചേശ്വരത്ത് പതിമൂന്നുകാരി നല്‍കിയ പരാതിയില്‍ മുസ്തഫ എന്നയാള്‍ക്കെതിരെ കേസെടുത്തു. സ്ഥിരമായി ലൈസ് വാങ്ങി കൊടുത്ത് വശീകരിച്ച ശേഷം സ്‌കൂട്ടറില്‍ കയറ്റി കൊണ്ടുപോയി പീഡിപ്പിച്ചുവെന്നാണ് കേസ്.
മൊഗ്രാല്‍ പുത്തൂര്‍ പഞ്ചായത്തില്‍ താമസക്കാരനായ 17 കാരന്റെ പരാതിപ്രകാരമാണ് കാസര്‍കോട് ടൗണ്‍ പൊലീസ് പോക്‌സോ കേസെടുത്തത്. അന്‍വര്‍ എന്നയാള്‍ പലതവണ പീഡിപ്പിച്ചുവെന്നാണ് പരാതി. ഇരു കേസുകളിലും പ്രതികളെ കണ്ടെത്താന്‍ പൊലീസ് അന്വേഷണം ഊര്‍ജ്ജിതമാക്കി.
