ഡൽഹി പൊലീസ് അറസ്റ്റ് ചെയ്ത ഷാനവാസിനെ ചൊവ്വാഴ്ച ഉച്ചക്കഴിഞ്ഞ് കോടതിയിൽ ഹാജരാക്കാൻ കൊണ്ടുവന്നപ്പോഴായിരുന്നു സംഭവം. കോടതി നടപടികൾ പുരോഗമിക്കുന്നതിനിടെ മൂന്നു പേർ എഴുന്നേറ്റ് ഷാനവാസിനു നേരേ വെടിയുതിർക്കുകയായിരുന്നു. ഓടിരക്ഷപ്പെടാൻ ശ്രമിച്ച ഇവരെ പൊലീസ് പിന്തുടർന്നു പിടിച്ചു. വെടിയുതിർന്ന ഉടൻ തന്നെ കോടതിമുറിക്കുള്ളിൽ ഉണ്ടായിരുന്ന ജഡ്ജി ഉൾപ്പെടെയുള്ളവർ തറയിൽ കമിഴ്ന്നു കിടന്നതായി ദൃക്സാക്ഷികൾ പറഞ്ഞു.
കഴിഞ്ഞ മേയിൽ ബിഎസ്പി നേതാവ് ഹാജി അഹ്സാൻ ഖാനെയും അന്തരവനെയും കൊന്ന കേസിലെ പ്രതിയാണ് ഷാനവാസ് അൻസാരി. കഴിഞ്ഞ ദിവസമാണ് ഷാനവാസ് ഡൽഹി പൊലീസിൽ കീഴടങ്ങിയത്. തുടർന്നു കോടതിയിൽ ഹാജരാക്കുന്നതിനു വേണ്ടി ബിജ്‌നോറിലേക്ക് കൊണ്ടുവരുകയായിരുന്നു. ഹാജി അഹ്സാൻ ഖാന്റെ മകനും രണ്ടു സഹായികളുമാണ് അറസ്റ്റിലായതെന്ന് യുപി പൊലീസ് അറിയിച്ചു
