തൃശൂര്‍: അശ്ലീല ദൃശ്യങ്ങള്‍ കാണിച്ച് അമ്മ തന്നെ ഒമ്പതാംവയസുമുതല്‍ ലൈംഗികമായി പീഡിപ്പിക്കുന്നുവെന്ന ഞെട്ടിക്കുന്ന വെളിപ്പെടുത്തലുമായി പന്ത്രണ്ടുകാരി. പീഡനപരാതിയെ തുടര്‍ന്ന് പെണ്‍കുട്ടിയെ രഹസ്യമൊഴി രേഖപ്പെടുത്താനായി പൊലീസ് കോടതിയില്‍ ഹാജരാക്കിയപ്പോഴാണ് മജിസ്്രേതട്ടിന് മുന്നില്‍ ഇങ്ങനെ വെളിപ്പെടുത്തിയത്. പൊലീസിനോട് പറഞ്ഞ മൊഴി പെണ്‍കുട്ടി മജിസ്‌ട്രേറ്റിനോടും ആവര്‍ത്തിക്കുകയായിരുന്നു.തൃശ്ശൂരിലാണ് നടുക്കുന്ന സംഭവമുണ്ടായത്. ഒമ്പത് വയസ്സു മുതല്‍ അമ്മ ലൈംഗികമായി പീഡിപ്പിക്കുന്നുവെന്ന് ആരോപിച്ച പെണ്‍കുട്ടി ഇന്റര്‍നെറ്റില്‍ അശ്ലീല ദൃശ്യങ്ങള്‍ കാണിക്കാറുണ്ടെന്നും മോശമായി സ്പര്‍ശിക്കാറുണ്ടെന്നും പെണ്‍കുട്ടി പറയുന്നു.സ്‌കൂളില്‍ കൗണ്‍സിലിംഗിനിടെയാണ് പന്ത്രണ്ടു വയസുകാരി പീഡന വിവരം വെളിപ്പെടുത്തിയത്. സ്‌കൂള്‍ അധികൃതര്‍ ചൈല്‍ഡ് ലൈനിനെ വിവരം അറിയിച്ചു. ചൈല്‍ഡ് ലൈന്‍ പൊലീസിന് വിവരം കൈമാറി. പെണ്‍കുട്ടിയുടെ മൊഴിയെടുത്ത പൊലീസ് കേസെടുത്ത് അന്വേഷണം ആരംഭിച്ചു.എന്നാല്‍ കുട്ടിയുടെ മൊഴിയില്‍ വിശദമായ അന്വേഷണം നടത്തിയതിന് ശേഷം മാത്രം മറ്റ് നടപടികള്‍ സ്വീകരിച്ചാല്‍ മതിയെന്നാണ് പൊലീസ് നിലപാട്.
