സ്‌കൂള്‍ ഗ്രൗണ്ടില്‍ ബാബറി മസ്‌ജിദിന്റെ കൂറ്റന്‍ ബാനര്‍ നിര്‍മിച്ച്‌ വെള്ള ഷര്‍ട്ടും കാവിമുണ്ടും ധരിച്ച കുട്ടികള്‍ ബാനര്‍ കുത്തിക്കീറീ.
ബാനര്‍ തകര്‍ത്ത് താഴെയിട്ടതോടെ സ്‌കൂളിലെ ലൗഡ്‌സ്പീക്കറില്‍ ജയ്‌ശ്രീരാം വിളി മുഴങ്ങി. വിദ്യാര്‍ഥികള്‍ അത് ഏറ്റുവിളിച്ചു. ഈ സംഭവത്തിന്റെ വീഡിയോ പ്രചരിപ്പിച്ചു. സംഭവം പുതുച്ചേരി ലെഫ്‌റ്റനന്റ് ഗവര്‍ണര്‍ കിരണ്‍ ബേദിയും ട്വീറ്ററില്‍ പങ്കുവച്ചു.
ബാബറി മസ്ജിദ് തകര്‍ത്തത് നിയമവിരുദ്ധമാണെന്ന സുപ്രീംകോടതി നിരിക്ഷണത്തോട്‌ യോജിക്കുന്നില്ലെന്നും സംഭവം പുനരാവിഷ്‌കരിച്ചതില്‍ തെറ്റില്ലെന്നും കല്ലടക്ക പ്രഭാകര്‍ ഭട്ട് പറഞ്ഞു. സംഭവത്തില്‍ പ്രതിഷേധിച്ച്‌ ഡിവൈഎഫ്‌ഐ, എസ്‌എഫ്‌ഐ പ്രവര്‍ത്തകര്‍ ഡെപ്യൂട്ടി കമീഷണര്‍ ഓഫീസിനു മുന്നില്‍ ധര്‍ണ നടത്തി.
നീതിന്യായവ്യവസ്ഥക്കെതിരെയുള്ള വെല്ലുവിളിയാണിതെന്ന്‌ ഡിവൈഎഫ്‌ഐ കര്‍ണാടക സംസ്ഥാന പ്രസിഡന്റ് മുനീര്‍ കാട്ടിപ്പള്ള പറഞ്ഞു.
