കാസർകോഡ് ജില്ലയിൽ കണ്ണട കടകൾ തിങ്കളാഴ്‌ച രാവിലെ 11മുതൽ 5മണിവരെ തുറന്ന് പ്രവർത്തിക്കും

ലോക്ക് ഡൗണിനെ തുടർന്ന് സംസ്ഥാനത്ത് അടച്ചിട്ട കൂടുതൽ കടകൾ തുറക്കാൻ അനുവാദം നൽകി. കണ്ണടകൾ വിൽക്കുന്ന കടകൾ, എയർ കണ്ടീഷൻ, ഫാൻ തുടങ്ങിയവ വിൽക്കുന്ന കടകൾ,  എന്നിവയ്ക്കാണ് ഇളവ് അനുവദിച്ചിരിക്കുന്നത്.

കണ്ണട കടകൾ തിങ്കളാഴ്ചകളിൽ രാവിലെ പതിനൊന്ന്  മണി മുതൽ വൈകുന്നേരം അഞ്ച് മണി വരെ തുറക്കാനാണ് അനുവാദം നൽകിയിരിക്കുന്നത്.
കാസർകോഡ് ജില്ലയിൽ കണ്ണട കടകൾ തിങ്കളാഴ്‌ച രാവിലെ 11മുതൽ 5മണിവരെ തുറന്ന് പ്രവർത്തിക്കുമെന്ന് ആൾ കേരള ഒപ്റ്റിക്കൽ അസ്സോസിയേഷൻ കാസർകോഡ് ജില്ലാ പ്രസിഡന്റ്‌ സിറാർ അബ്ദുല്ല അറിയിച്ചു,   ഇത് സംബന്ധിച്ച് ജില്ലാകലക്ടറുമായി ചർച്ച നടത്തിയതായി സിറാർ അബ്ദുല്ല അറിയിച്ചു, 

എയർ കണ്ടീഷൻ, ഫാൻ എന്നിവ വിൽക്കുന്ന കടകൾ ഞായറാഴ്ചകളിൽ രാവിലെ 10 മുതൽ അഞ്ചു വരെ തുറക്കാനാണ് അനുവാദം. എന്നാൽ കടകളിൽ പരമാവധി മൂന്ന് ജീവനക്കാർ മാത്രമേ പാടുള്ളൂ.

 കടകളിൽ രണ്ട് ജീവനക്കാരിൽ കൂടുതൽ പാടില്ല.

കളിമൺ തൊഴിലാളികൾക്ക് ഇപ്പോൾ ഒരു വർഷത്തേക്കുള്ള മണ്ണ് സംഭരിക്കാനുള്ള കാലമായതിനാൽ ജോലിക്കാരെ പരമാവധി കുറച്ച് ഇത് ചെയ്യാൻ അനുവാദം നൽകിയിട്ടുണ്ട്.

വീടുകളിലിരുന്ന് ജോലി ചെയ്യുന്ന ബീഡി തൊഴിലാളികൾക്ക് വീടുകളിൽ അസംസ്കൃത വസ്തുക്കൾ എത്തിക്കുന്നതിനും തെറുത്ത ബീഡികൾ ശേഖരിച്ച് പൊതുകേന്ദ്രത്തിലേക്ക് എത്തിക്കുന്നതിനും ബുദ്ധിമുട്ട് നേരിടുന്നുണ്ട്. ഈ സാഹചര്യത്തിൽ തിങ്കൾ, ചൊവ്വ ദിവസങ്ങളിൽ പരമാവധി ജീവനക്കാരെ കുറച്ച് ഈ സ്ഥാപനങ്ങൾ തുറന്നു പ്രവർത്തിക്കാവുന്നതാണ്. അതേസമയം തുറന്നു പ്രവർത്തിക്കുന്ന എല്ലാ സ്ഥാപനങ്ങളും ബ്രേക്ക് ദി ചെയിൻ മാർഗനിർദ്ദേശങ്ങൾ പാലിക്കണം.