ബംഗളുരു: ബാബരി മസ്ജിദ് തകര്ത്ത കേസില് എല്ലാ പ്രതികളേയും വെറുതെ വിട്ട വിധി വേദനാജനകവും അപമാനകരവും അവിശ്വസനീയവുമാണെന്ന് അബ്ദുന്നാസര് മഅ്ദനി. ഫേസ്ബുക്ക് കുറിപ്പിലാണ് മഅ്ദനി കോടതി വിധി അപമാനകരമെന്ന് ചൂണ്ടിക്കാട്ടിയത്.
പള്ളി തകര്ത്തത് മുന്കൂട്ടി ആസൂത്രണം ചെയ്തല്ല.
ബാബരി മസ്ജിദ് പൊളിച്ച കേസിലെ പ്രതികളെയെല്ലാം വെറുതെവിട്ട ലക്നൗ സിബിഐ കോടതിയുടെ വിധി അപഹാസ്യമാണെന്ന് മുസ്ലിംലീഗ് സംസ്ഥാന ജനറല് സെക്രട്ടറി കെപിഎ മജീദ്. ബാബറി മസ്ജിദ് പൊളിക്കാന് വേണ്ടി രഥയാത്ര നടത്തുകയും കര്സേവ പ്രവര്ത്തകരെ സംഘടിപ്പിക്കുകയും ചെയ്ത സംഘ്പരിവാര് ഗൂഢാലോചന നടത്തിയില്ല എന്ന വാദം യാഥാര്ത്ഥ്യവുമായി പൊരുത്തപ്പെടുന്നതല്ല. ഇന്ത്യന് ജുഡീഷ്യറിക്ക് തന്നെ അപമാനമാണ് ഈ വിധിയെന്നും അദ്ദേഹം പറഞ്ഞു.
ബാബരി മസ്ജിദ് തകര്ത്ത ഗൂഢാലോചന കേസില് 32 പ്രതികളെയും വെറുതെ വിട്ടുള്ള വിധി ജുഡീഷ്യല് കര്സേവ ആണെന്ന് വെല്ഫെയര് പാര്ട്ടി സംസ്ഥാന പ്രസിഡന്റ് ഹമീദ് വാണിയമ്ബലം. ബാബരി മസ്ജിദ് തകര്ക്കുന്നതിനു വേണ്ടിയുള്ള ആസൂത്രണം ആര്.എസ്.എസ് നേതൃത്വത്തില് നടത്തുകയും എല്.കെ. അദ്വാനി ഉള്പ്പെടെയുള്ള ബി.ജെ.പി നേതാക്കള് മുന്കൈയെടുത്ത് ലക്ഷത്തോളം വരുന്ന കര്സേവകരെ വിളിച്ചുവരുത്തി ബാബരി മസ്ജിദ് തകര്ക്കുകയുമാണ് ചെയ്തത്.
ഇന്ത്യയിലെ ഹിന്ദുത്വ ശക്തികള് തികഞ്ഞ ആസൂത്രണത്തോടെ നടത്തിയ പദ്ധതിയെ കുറിച്ച് ഒരു തരത്തിലുള്ള ഗൂഢാലോചനയുമില്ലെന്ന കോടതിയുടെ കണ്ടെത്തല് രാജ്യത്തോടുള്ള അനീതിയാണ്. മസ്ജിദ് പൊളിച്ചവരെ ശിക്ഷിക്കുകയും തല്സ്ഥാനത്തു ബാബരി പുനര്നിര്മിക്കുകയും ചെയ്യുന്നതിലൂടെ മാത്രമേ ഇന്ത്യയില് നീതി നടപ്പിലാക്കുകയുള്ളൂ എന്ന് അദ്ദേഹം പറഞ്ഞു.
വിധി അപഹാസ്യമാണെന്ന് എസ്ഡിപിഐ,
ജൂഡിഷ്യറിയിലുള്ള വിശ്വാസം നഷ്ടപ്പെടുത്തുന്ന താണ് വിധിയെന്ന്
ദേശീയ നേതാക്കൾ പറഞ്ഞു,
ബാബരി മസ്ജിദ് തകര്ത്ത കേസില് പ്രതികളെ വെറുതേവിട്ട സി.ബി.ഐ കോടതി വിധി ജുഡിഷ്യറി ആര്.എസ്.എസിനു കീഴൊതുങ്ങിയെന്ന് വ്യക്തമാക്കുന്നതാണെന്ന് എസ്.ഡി.പി.ഐ സംസ്ഥാന സെക്രട്ടറിയേറ്റ്. പള്ളി അതിക്രമിച്ച് തകര്ക്കുന്നതിന്റെ ദൃശ്യങ്ങള് ഉള്പ്പെടെ അന്നു മുതല് ലോകത്താകമാനം പ്രചരിച്ചിരിക്കേ കുറ്റം ചെയ്തതിനു തെളിവില്ലെന്ന കോടതിയുടെ കണ്ടെത്തല് തികഞ്ഞ നീതിനിഷേധമാണ്. ലോകത്തിനു മുമ്പില് രാജ്യത്തിനെ മാനംകെടുത്തിയ കേസില് വാര്ത്താമാധ്യമങ്ങളെ പോലും പുറത്തുനിര്ത്തി കോടതി നടത്തിയ നീതിനിഷേധം ജനങ്ങളുടെ ജുഡീഷ്യറിക്കുമേലുള്ള വിശ്വാസം നഷ്ടപ്പെടുത്തുന്നതാണ്. രാജ്യത്തിന്റെ ഒരറ്റം മുതല് മറ്റേ അറ്റം വരെ രക്തരൂഷിത രഥയാത്ര നടത്തി സ്പര്ദ്ധയും വിദ്വേഷവും പ്രചരിപ്പിച്ച് സര്വായുധ സജ്ജരായ കര്സേവകരെ സംഘടിപ്പിച്ച് നടത്തിയ അതിക്രമത്തിന് തെളിവില്ലെന്ന കണ്ടെത്തല് ലജ്ജാകരമാണ്. മുതിര്ന്ന നിയമജ്ഞര് ഉള്പ്പെടുന്ന ലിബര്ഹാന് കമ്മീഷനെ പോലും അവഹേളിക്കുന്നതാണ് കോടതി വിധി.
സ്വതന്ത്ര ഇന്ത്യ കണ്ട ഏറ്റവും ഭീകരമായ സംഭവത്തില് അക്രമികള്ക്ക് അനുകൂലമായ വിധി അക്രമോല്സുക ഫാഷിസ്റ്റ് വാഴ്ചയ്ക്ക് പിന്തുണ നല്കുന്നതാണ്. ഇത് രാജ്യത്ത് രാഷ്ട്രീയ, സാമൂഹിക രംഗത്ത് ഗുരുതരമായ പ്രത്യാഘാതങ്ങള് സൃഷ്ടിക്കും. ബാബരി മസ്ജിദ് തകര്ത്തത് അക്രമത്തിലൂടെയാണെന്ന സുപ്രീം കോടതി ചീഫ് ജസ്റ്റിസിന്റെ നിരീക്ഷണത്തെ പോലും നിഷ്പ്രഭമാക്കിയാണ് സി.ബി.ഐ കോടതി വിധിപ്രസ്താവം നടത്തിയിരിക്കുന്നത്. രാജ്യത്ത് ഫാഷിസം നീതിന്യായ സംവിധാനത്തെ പോലും പൂര്ണമായി വരിഞ്ഞുമുറുക്കിയിരിക്കുന്നു എന്നതിന്റെ തെളിവാണ് കോടതി വിധിയെന്നും സംസ്ഥാന സെക്രട്ടറിയേറ്റ് വ്യക്തമാക്കി.
ഇന്ന് രാജ്യവ്യാപകമായി പ്രതിഷേധ പ്രകടനത്തിന് ആഹ്വാനം ചെയ്തിട്ടുണ്ട്,
ബാബരി മസ്ജിദ് തകര്ത്ത കേസില് ഗൂഢാലോചനക്ക് തെളിവില്ലെന്ന് സി.ബി.ഐ പ്രത്യേക കോടതി നിരീക്ഷിച്ചു. മുതിര്ന്ന ബി.ജെ.പി നേതാക്കളായ എല്.കെ. അദ്വാനി, മുരളി മനോഹര് ജോഷി എന്നിവര് ഉള്പ്പെടെ 32 പ്രതികളെയും വെറുതെവിട്ടു. കേസ് തെളിയിക്കുന്നതില് സി.ബി.ഐ പരാജയപ്പെട്ടതായി കോടതി നിരീക്ഷിച്ചു. അദ്വാനിയും ജോഷിയും ജനക്കൂട്ടത്തെ തടയാനാണ് ശ്രമിച്ചതെന്ന് ജഡ്ജി പറഞ്ഞു.
