ബദിയടുക്ക: കാര്യാട് കൊറഗ കോളനിയിലെ മൂന്നു കുടുംബങ്ങള് ഇരുട്ടിലായിട്ട് ആറു മാസമായി. ബദിയടുക്ക പഞ്ചായത്തിലെ അഞ്ചാം വാര്ഡില്പെടുന്ന കാര്യാട് കോളനിയിലെ ചെനിയ, സുന്ദര, കമള എന്നിവരുടെ കുടുംബങ്ങളുടെ വീടിെന്റ വൈദ്യുതിയാണ് പെര്ള സെക്ഷന് ഓഫിസ് അധികൃതര് കട്ട് ചെയ്തത്. മിനിമം ചാര്ജ് 80 രൂപ വെച്ചാണ് പണം അടച്ചുവന്നിരുന്നത്. എന്നാല്, അടക്കേണ്ട തുക 2000ത്തിനു മുകളില് വന്നതോടെ കഴിയാതെവന്നു. ഇതോടെ അധികൃതര് മീറ്റര് അഴിച്ചുകൊണ്ടുപോകുകയായിരുന്നു. ഇപ്പോള് വിളക്ക് ചിമ്മിനി മാത്രമാണ് ആശ്രയം. കോളനിയില് 17 വീടുകളാണുള്ളത്.
തൊഴിലില്ലാത്തതിനാല് വൈദ്യുതി ബോര്ഡിലേക്ക് അടക്കേണ്ട പണം കണ്ടെത്താനും കഴിഞ്ഞിെല്ലന്ന് ഇവര് പറയുന്നു.
കനത്ത മഴയില് ഇരുട്ടുമൂലം ഭീതിയോടെയാണ് ഈ കുടുംബം കഴിയുന്നത്.
ഇവരുടെ പ്രശ്നം ബന്ധപ്പെട്ട ഓഫിസിലും പഞ്ചായത്തിലും റിപ്പോര്ട്ട് ചെയ്തതായി കോളനി പ്രമോട്ടര് ഗോപാലന് പറഞ്ഞു.
