വണ്ടൂര്: 171 കിലോ കഞ്ചാവുമായി മൂന്നുപേര് വണ്ടൂരില് എക്സൈസ് സംഘത്തിന്െറ പിടിയിലായ സംഭവത്തില് ആന്ധ്രയില്നിന്ന് കഞ്ചാവ് കടത്താന് ഉപയോഗിച്ച ലോറിയും ഡ്രൈവറെയും എക്സൈസ് സംഘം കസ്റ്റഡിയിലെടുത്തു. പാലക്കാട് പട്ടാമ്ബി സ്വദേശി തിരുമിറ്റക്കോട് കറുകപുത്തൂര് പള്ളിക്കര വളപ്പില് അലിയെയാണ് (37) കടപ്പയില്നിന്നും സിമന്റ് കയറ്റി വരവേ മലപ്പുറം എക്സൈസ് അധികൃതരുടെ നിര്ദേശപ്രകാരം കൂത്തുപറമ്ബ് സി.ഐ രാഗേഷ് കാസര്കോട് പെരിയയില് വെച്ച് കസ്റ്റഡിയില് എടുത്തത്. തുടര്ന്ന് ലോറിയും പ്രതി അലിയെയും മലപ്പുറത്ത് എത്തിക്കുകയായിരുന്നു. ഇയാളെ പെരിന്തല്മണ്ണ കോടതിയില് ഹാജരാക്കി റിമാന്ഡ് ചെയ്തു. സ്േറ്റഷനറി ഉല്പന്നങ്ങളാെണന്ന് തെറ്റിദ്ധരിപ്പിച്ച് മിനി ലോറിയില് കടത്തുകയായിരുന്ന കഞ്ചാവാണ് കഴിഞ്ഞ ദിവസം വണ്ടൂരില് പിടികൂടിയിരുന്നത്.
ആന്ധ്രയില്നിന്ന് സിമന്റ് നിറച്ച വലിയ ലോറിയിലെത്തിച്ച കഞ്ചാവ് മിനിലോറിയിലെത്തി കണ്ണൂര് അതിര്ത്തിയില് വെച്ചാണ് പ്രതികള് കൈപ്പറ്റിയത്. ആന്ധ്രയില്നിന്ന് കഞ്ചാവ് എത്തിച്ച വലിയ ലോറിയും ഡ്രൈവറുമാണ് കാസര്കോട് പിടിയിലായത്.
