ദുബൈ: കാസര്കോട് തളങ്കര പള്ളിക്കാല് സ്വദേശി അജ്മാനില് നിര്യാതനായി. ഷാര്ജ ഗള്ഫ് ഏഷ്യന് സ്കൂള് അഡ്മിനിസ്ട്രേഷന് വിഭാഗം മാനേജര് കെ.എ അബ്ദുല് മുനീര് (62) ആണ് മരിച്ചത്. അസുഖത്തെ തുടര്ന്ന് അജ്മാന് ഖലീഫ ആശുപത്രിയില് ചികില്സയിലായിരുന്നു. നേരത്തേ കാസര്കോട് ഇസ്ലാമിയ ടൈല് കമ്ബനിയിലടക്കം നിരവധി സ്ഥാപനങ്ങളില് അക്കൗണ്ട് വിഭാഗത്തില് ജോലി ചെയ്തിരുന്നു. 19 വര്ഷമായി യു.എ.ഇയിലാണ്. പള്ളിക്കാലിലെ പരേതരായ അഹ്മദ്- ആയിഷ ദമ്ബതികളുടെ മകനാണ്.
സമസ്ത കേരള ജംഇയ്യത്തുല് ഉലമ നേതാവായിരുന്ന പരേതനായ പള്ളിപ്പുഴ അബ്ദുല്ല മൗലവിയുടെ മകള് നജ്മുന്നിസയാണ് ഭാര്യ. മക്കള്: മുനവ്വര്, മുനാസര്, നുജൈമ.
സഹോദരങ്ങള്: അബ്ദുല് റസാക്ക്, മൊയ്ദു ( ഷാര്ജ), ഉസ്മാന് എന്ന ഉത്ത, ഹനീഫ പള്ളിക്കാല്. മയ്യിത്ത് ഇന്നലെ രാത്രി അജ്മാന് ഖബര്സ്ഥാനില് ഖബറടക്കി.
