കാസർഗോഡ്: ചെമ്മനാട് പഞ്ചായത്തിലെ കീഴൂർ വാർഡിൽ ബിജെപി പോലീസിന്റെ ഒത്താശയോടെ യുഡിഎഫ് പ്രവർത്തകർക്ക് നേരെ അക്രമം അഴിച്ചുവിട്ടതായി കെപിസിസി നിർവാഹക സമിതിയംഗം എ.ഗോവിന്ദൻ നായർ ആരോപിച്ചു. ഇന്നലെ രാവിലെ മുതൽ തന്നെ ഒരു സംഘം ബിജെപി പ്രവർത്തകർ സ്ത്രീകളടക്കമുള്ള വോട്ടർമാരെ കൂകി വിളിച്ച് പ്രകോപനം സൃഷ്ടിച്ചിരുന്നു.ഇക്കാര്യം നിരവധി തവണ ജില്ലാ പോലീസ് മേധാവിയുടെ ശ്രദ്ധയിൽപ്പെടുത്തിയിട്ടും നടപടിയുണ്ടായില്ല. ബൂത്ത് പിടിച്ചെടുത്ത വ്യാപകമായി ബിജെപി പ്രവർത്തകർ കള്ളവോട്ട് ചെയ്തതായും ഗോവിന്ദൻ നായർ ആരോപിച്ചു.
