ചെങ്കള: ചെങ്കള പ്രാഥമികാരോഗ്യകേന്ദ്രം തദ്ദേശ സ്വയംഭരണ തെരഞ്ഞെടുപ്പില് ചെങ്കള ഗ്രാമപഞ്ചായത്തില് സ്ഥാനാര്ഥികളായി മത്സരിക്കുന്ന അംഗങ്ങള്ക്ക് കോവിഡ് മാനദണ്ഡങ്ങള് പാലിച്ച് പ്രവര്ത്തനങ്ങള് നടത്തുന്നതിനുള്ള പ്രത്യേക പരിശീലനം. പ്രചാരണങ്ങള്, കണ്വെന്ഷനുകള് തുടങ്ങിയവ നടത്തുമ്പോള് പാലിക്കേണ്ട കാര്യങ്ങളെക്കുറിച്ച് യോഗത്തില് വിശദീകരിച്ചു. മാസ്ക്, സാനിറ്റൈസര്, സാമൂഹിക അകലം എന്നിവ കൃത്യമായി പാലിക്കണമെന്ന് നിര്ദ്ദേശം നല്കി. കോവിഡ് പോസിറ്റീവ് ആയവരുടെ പ്രൈമറി കോണ്ടാക്ട്സ്, വിദേശത്തുനിന്ന് വരുന്നവര്, അന്യസംസ്ഥാനത്ത് നിന്ന് വരുന്നവര് എന്നിവര്ക്ക് അനുവദിച്ചിരിക്കുന്ന പോസ്റ്റല് വോട്ട് സംവിധാനങ്ങളെക്കുറിച്ച് വിശദീകരിച്ചു. ചെങ്കള ഗ്രാമപഞ്ചായത്ത് സെക്രട്ടറി സുരേന്ദ്രന് ആധ്യക്ഷം വഹിച്ച ചടങ്ങില് കുമ്പള എ ഇ ഒ യതീഷ് കുമാര് സ്വാഗതം പറഞ്ഞു. ചെങ്കള പ്രാഥമികാരോഗ്യകേന്ദ്രം മെഡിക്കല് ഓഫീസര് ഷമീമ, തന്വീര് ചെങ്കള ഹെല്ത്ത് ഇന്സ്പെക്ടര് രാജേഷ്, ജൂനിയര് ഹെല്ത്ത് ഇന്സ്പെക്ടര് ഹാസിഫ് തുടങ്ങിയവര് പരിശീലനത്തിന് നേതൃത്വം നല്കി. ഹെല്ത്ത് ഇന്സ്പെക്ടര് കൃഷ്ണ പ്രസാദ് യോഗത്തിന് നന്ദി പ്രകാശിപ്പിച്ചു.
