ഇന്ധനവില കുറക്കാൻ ഏഴുവർഷമായി മോദി എന്തു​െചയ്​തു? വിമർശനവുമായി ശശി തരൂർ


 ന്യൂഡൽഹി: ഇന്ധന ഇറക്കുമതി കുറക്കാൻ മുൻ സർക്കാറുകൾ ശ്രമിച്ചിരുന്നെങ്കിൽ രാജ്യത്ത്​ പെട്രോൾ വില നൂറു കടക്കില്ലായിരുന്നുവെന്ന പ്രധാനമന്ത്രി നരേ​ന്ദ്രമോദിയുടെ പ്രസ്​താവനക്കെതിരെ ശശി തരൂർ എം.പി. സർക്കാറിന്‍റെ തെറ്റായ പ്രവൃത്തികൾ മറച്ചുപിടിക്കുന്നതിനായി മുൻസർക്കാറിനെ കുറ്റപ്പെടുത്തി മോദി നുണ പ്രചരിപ്പിക്കുകയാണെന്ന്​ ശശി തരൂർ പറഞ്ഞു.


ഏഴുവർഷമായി അധികാരത്തിൽ തുടരുന്ന ​േമാദി അസംസ്​കൃത എണ്ണയുടെ ഇറക്കുമതി കുറക്കാൻ നടപടി സ്വീകരിച്ചിട്ടില്ല. ഇപ്പോഴും 82 ​ശതമാനം അസംസ്​കൃത എണ്ണയും ഇറക്കുമതി ചെയ്യുകയാണ്. 2008 -09 കാലയളവിൽ ഇറക്കുമതി 132.78 മെ​ട്രിക്​ ടണ്ണായിരുന്നു. 2017-18 കാലയളവിൽ ഇത്​ 220.43 മെട്രിക്​ ടണ്ണായി ഉയർന്നു. ഇതാ​േണാ​ ഇറക്കുമതി ആശ്രിതത്വം കുറക്കൽ​? -ശശി തരൂർ ചോദിച്ചു.പെട്രോൾ വില ഉയരുന്നതിൽ മോദിയുടെ ന്യായീകരണം പങ്കുവെച്ചായിരുന്നു തരൂരിന്‍റെ ട്വീറ്റ്​. കൂടാതെ രാജ്യത്തെ ഇന്ധന നികുതിയുടെ കണക്കും തരൂർ പങ്കുവെച്ചു.


രാജ്യത്ത്​ പെട്രോൾ വില നൂറുകടന്നതിന്‍റെ ഉത്തരവാദിത്തം യു.പി.എ സർക്കാറിനാണെന്നായിരുന്നു മോദിയുടെ പരാമർശം. വിലവർധനക്ക്​ കാരണം യു.പി.എ സർക്കാറിന്‍റെ തെറ്റായ നയങ്ങളാണെന്ന്​ പറഞ്ഞ അ​േദ്ദഹം രാജ്യത്തെ ഇന്ധന ഇറക്കുമതി ആശ്രയത്വം വർധിപ്പിച്ച്​ മധ്യവർഗത്തെ ഇന്നീ കാണുന്ന നിലയിൽ ബുദ്ധിമുട്ടിക്കാനുള്ള നീക്കമാണ്​ യു.പി.എ നടത്തിയ​െതന്നും പറഞ്ഞു. മുൻ സർക്കാറുകൾ


ശരിയായ നിലപാട്​ സ്വീകരിച്ചിരുന്നെങ്കിൽ ഇപ്പോൾ ജനങ്ങൾ ഇത്രയും ബുദ്ധിമു​േട്ടണ്ടി വരില്ലായിരുന്നു. താൻ വസ്​തുതകൾ മാത്രമാണ്​ പറയുന്നതെന്നും ആരെയും കുറ്റപ്പെടുത്തുകയോ പഴിചാരുകയോ ചെയ്യുന്നില്ലെന്നും മോദി വിശദീകരിച്ചു. രാജ്യത്ത്​ ചരിത്രത്തിലാദ്യമായി പെട്രോൾ വില നൂറു കടന്നതിന്‍റെ പശ്ചാത്തലത്തിലായിരുന്നു പ്രതികരണം.

أحدث أقدم
Kasaragod Today
Kasaragod Today