ആഗ്ര: ഭര്ത്താവിന്റെ മുന്നില്വെച്ച് 19 കാരിയെ കൂട്ടബലാത്സംഗം ചെയ്തു. ഉത്തര്പ്രദേശിലെ ആഗ്രയില് തിങ്കളാഴ്ച വൈകിട്ടാണ് ദാരുണ സംഭവം.ഹോളി ആഘോഷത്തിന്റെ ഭാഗമായി ബന്ധുവീട്ടിലേക്ക് പോകുകയായിരുന്നു യുവതിയും ഭര്ത്താവും. ബൈക്കില് സഞ്ചരിച്ചിരുന്ന ഇരുവരെയും മൂന്നുപേര് ബൈക്കിലെത്തി തടഞ്ഞുനിര്ത്തുകയും ഭര്ത്താവിനെ ക്രൂരമായി മര്ദിക്കുകയുമായിരുന്നു. തുടര്ന്ന് 19കാരിയെ തൊട്ടടുത്ത കാട്ടിലേക്ക് വലിച്ചുകൊണ്ടുപോയി കൂട്ട ബലാത്സംഗത്തിനിരയാക്കി .
ശേഷം ദമ്ബതികളെ ഭീഷണിപ്പെടുത്തുകയും കൊള്ളയടിക്കുകയും ചെയ്തു. മൂന്നുപേര് ചേര്ന്ന് ബലാത്സംഗം ചെയ്യുകയും ദൃശ്യങ്ങള് മൊബൈല് ഫോണില് പകര്ത്തുകയും ചെയ്തതായി യുവതി വെളിപ്പെടുത്തി .അവര് ഞങ്ങളെ തൊട്ടടുത്ത കാട്ടിലേക്ക് വലിച്ചിഴച്ചുകൊണ്ടുപോയി. എന്റെ വസ്ത്രങ്ങള് കീറുകയും ബലാത്സംഗം ചെയ്യുകയും ചെയ്തു. ദൃശ്യങ്ങള് വിഡിയോയില് പകര്ത്തി. പിന്നീട് രണ്ടുപേരെയും ക്രൂരമായി മര്ദിച്ചു. സംഭവം പുറത്തുപറഞ്ഞാല് കൊന്നുകളയുമെന്ന് ഭീഷണിപ്പെടുത്തുകയും ചെയ്തു’- യുവതി നല്കിയ പരാതിയില് ചൂണ്ടിക്കാട്ടുന്നു .
രണ്ടുപേരുടെ പേരുകളും യുവതിയുടെ മൊഴിയിലുണ്ട്. ഒരാളെ അറിയില്ലെന്നും അവര് പറഞ്ഞു. യുവതിയുടെ പരാതിയില് എഫ്.ഐ.ആര് രജിസ്റ്റര് ചെയ്തതായി മുതിര്ന്ന പൊലീസ് ഉദ്യോഗസ്ഥന് മുനിരാജ് ജി. പറഞ്ഞു. അക്രമികളില് ഒരാളെ കസ്റ്റഡിയിലെടുത്ത് ചോദ്യം ചെയ്തതായും അദ്ദേഹം കൂട്ടിച്ചേര്ത്തു.