ബദിയടുക്ക: ആംബുലന്‍സും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ 16കാരന്‍ മരിച്ചു. സഹയാത്രക്കാരനായ 19കാരനെ പരിക്കുകളോടെ ആസ്പത്രിയില്‍ പ്രവേശിപ്പിച്ചു. പെരഡാല പയ്യാലടുക്കം വീട്ടിലെ ഹമീദിന്റെ മകന്‍ മുഹമ്മദ് സാഹില്‍(16) ആണ് മരിച്ചത്. സ്‌കൂട്ടര്‍ ഓടിച്ച സമദിനെ(19)നെ കാസര്‍കോട്ടെ സ്വകാര്യ ആസ്പത്രിയില്‍ പ്രവേശിപ്പിച്ചു.
ചൊവ്വാഴ്ച വൈകീട്ട് ആറ് മണിയോടെ ബദിയടുക്ക സര്‍ക്കിളിലാണ് അപകടം. കോവിഡ് രോഗ ബാധിതരേയും കൊണ്ടുപോകുകയായിരുന്ന ആംബുലന്‍സമായി കൂട്ടിയിടിക്കുകയായിരുന്നു. സ്‌കൂട്ടര്‍ യാത്രക്കാരായ ഇരുവരേയും ഉടന്‍ കാസര്‍കോട് സ്വകാര്യ ആസ്പത്രിയിലെത്തിച്ചെങ്കിലും സാഹിലിന്റെ നില ഗുരുതരമായതിനാല്‍ മംഗളുരുവിലെ ആസ്പത്രിയിലേക്ക് കൊണ്ടുപോകുകയും വഴി മധ്യേ മരിക്കുകയുമായിരുന്നു.
