മംഗളൂരുവില്‍ സുഹൃത്തിനൊപ്പം യാത്ര ചെയ്ത 23കാരന് നേരെ ബജ്രംഗ്ദള്‍ പ്രവര്‍ത്തകരുടെ ആക്രമണം. കഴിഞ്ഞ ദിവസം രാത്രി 9.30നായിരുന്നു സംഭവം.ബംഗളൂരുവിലേക്ക് സ്വകാര്യ ബസില്‍ പുറപ്പെട്ട പെണ്‍കുട്ടിയുടെ കൂടെ യാത്ര ചെയ്യുകയായിരുന്നു യുവാവ്. നഗരം കൂടുതല്‍ പരിചിതമാണെന്നതിനാല്‍ സഹായകമാകും എന്ന് കരുതിയാണ് യുവാവിനെ ഒപ്പം കൂട്ടിയത്.
ബസ് തടഞ്ഞു നിര്‍ത്തിയ അക്രമികള്‍ ഇരുവരെയും പിടിച്ചിറക്കുകയായിരുന്നു. ആണ്‍കുട്ടിയെ മര്‍ദ്ദിക്കുന്നത് കണ്ട് തടയാന്‍ ശ്രമിച്ച പെണ്‍കുട്ടിക്കും മര്‍ദനമേറ്റു.സംഭവത്തില്‍ കൊലപാതകശ്രമത്തിന് കേസ് രജിസ്റ്റര്‍ ചെയ്തിട്ടുണ്ട്. അസിസ്റ്റന്‍റ് കമീഷണറുടെ നേതൃത്വത്തില്‍ പ്രത്യേക അന്വേഷണ സംഘത്തെയും നിയോഗിച്ചിട്ടുണ്ട്.
