ന്യൂഡല്‍ഹി: കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തില്‍ ഡല്‍ഹിയില്‍ ലോക്ഡൗണ്‍ ഒരാഴ്ചത്തേക്ക് കൂടി നീട്ടിയേക്കും.
നിലവില്‍ തുടരുന്ന ലോക്ഡൗണ്‍ തിങ്കളാഴ്ച രാവിലെ അഞ്ചിന് വസാനിക്കാനിരിക്കെയാണ് നീട്ടുന്നതിനെ കുറിച്ച്‌ അരവിന്ദ് കെജ്രിവാര്‍ സര്‍ക്കാര്‍ ആലോചിക്കുന്നത്. ഇത് സംബന്ധിച്ച പ്രഖ്യാപനം ഞായറാഴ്ച ഉണ്ടായേക്കും.
അതെ സമയം 24 മണിക്കൂറിനുള്ളില്‍ ഡല്‍ഹിയില്‍ കോവിഡ് ബാധിച്ച്‌ മരിച്ചത് 375 പേരാണ്. 27,000 പേര്‍ക്കാണ് പുതുതായി രോഗം സ്ഥിരീകരിച്ചത്. 30 ശതമാനത്തിലേറെയാണ് പോസിറ്റിവിറ്റി നിരക്ക്.
ഓക്സിജന്‍ ക്ഷാമത്തിന് പുറമെ ആശുപത്രികള്‍ നിറഞ്ഞുകവിഞ്ഞതും ഡല്‍ഹിയെ പ്രതിസന്ധയിലാക്കിയിരിക്കുകയാണ്.
