ബേഡകം: വസ്ത്രവ്യാപാര സ്ഥാപനത്തിൽ ചുരിദാർ ബുക്ക് ചെയ്ത യുവതിയുടെ കാൽ ലക്ഷം രൂപ ഓൺലൈൻ വഴിതട്ടിയെടുത്തു. ബേഡകം കുറ്റിക്കോലിലെ ബി.കെ.മൻസിലിൽ ഷഹാന (27)യുടെ പണമാണ് തട്ടിയെടുത്തത്.മിൻന്ത്ര വസ്ത്രവ്യാപാര സ്ഥാപനത്തിൽ ഓർഡർ പ്രകാരം ആപ്പിക്കേഷനിൽ ഈ മാസം 25 ന് 2901 രൂപയുവതി ഫോൺ പേ വഴി ബുക്ക് ചെയ്തിരുന്നു.എന്നാൽ അന്നേ ദിവസം 2.30 നും 2.38 നുമിടയിൽ ബുക്ക് ചെയ്ത ഓർഡർ ശരിയായില്ലെന്നും കസ്റ്റമർ കെയറിൽ നിന്നാണ് വിളിക്കുന്നതെന്ന് പറഞ്ഞ് മറ്റൊരു മൊബെൽ ആപ്ലിക്കേഷൻ അയച്ചുകൊടുക്കുകയും ഈ ആപ്ലിക്കേഷൻ ലിങ്കിൽ ജോയിൻ്റ് ചെയ്തതോടെ യുവതിയുടെ കുറ്റിക്കോൽ എസ്.ബി.ഐ.ബേങ്ക് അക്കൗണ്ടിൽ നിന്നും 24,700 രൂപ നഷ്ടമായി.തട്ടിപ്പ് ബോധ്യമായതോടെ പണം നഷ്ടപ്പെട്ട യുവതി സൈബർ പോലീസിൽ പരാതി നൽകി. തുടർന്ന് സൈബർ പോലീസ് ബേഡകം പോലീസിന് കൈമാറി. പോലീസ് അന്വേഷണം തുടങ്ങി.
