മധ്യപ്രദേശില്‍ പൊതുസ്ഥലം മലിനമാക്കി എന്നാരോപിച്ചു രണ്ട് ദലിത് കുട്ടികളെ മര്‍ദിച്ചു കൊലപ്പെടുത്തിയ സംഭവത്തെത്തുടര്‍ന്ന് ഫെയ്‌സ് ബുക്കില്‍ ഒരാള്‍ എഴുതിയ കവിത സാജിദ് ഷെയര്‍ ചെയ്തിരുന്നു. ഇതു മതവികാരം വ്രണപ്പെടുത്തുന്നതാണ് എന്ന് ആരോപിക്കുന്ന പരാതിയെത്തുടര്‍ന്നാണ് കാടാമ്ബുഴ പൊലീസ് കേസെടുത്തത്.
കവിതയിലെ വരികള്‍ മത വിശ്വാസിയുടെ വികാരം വ്രണപ്പെടുത്തുന്നതാണെന്ന് വ്യക്തമാണെന്ന് ഹൈക്കോടതി അഭിപ്രായപ്പെട്ടു. എന്നാല്‍ ഇതെഴുതിയത് സാജിദ് അല്ല. ഹര്‍ജിക്കാരന്‍ ഇതു വിവേകശൂന്യമായി ചെയ്തതാകാനാണ് സാധ്യതയെന്നും കോടതി നിരീക്ഷിച്ചു.
