ഇരുവരും നേരത്തെ ദുബായ് ഡി.പി.എസില്‍ സഹപാഠികളായിരുന്നു. അപകടത്തില്‍ രണ്ടുപേരും തത്ക്ഷണം മരിച്ചു.
ദുബായിലെ പഠനത്തിന് ശേഷം വിദേശത്തേക്ക് ഉപരിപഠനത്തിന് പോയ ഇരുവരും ക്രിസ്മസ് അവധിക്ക് ദുബായിലുള്ള രക്ഷിതാക്കളുടെ അടുത്തേക്ക് വന്ന വേളയിലാണ് അപകടം ഉണ്ടായത്. ബുധനാഴ്ച പുലര്‍ച്ചെ രോഹിതിനെ താമസസ്ഥലത്തേക്ക് കൊണ്ടുവിടാന്‍ പോകുന്നതിനിടയിലായിരുന്നു അപകടം ഉണ്ടായത്.
ശരത് അമേരിക്കയിലെ ബോസ്റ്റണിലും രോഹിത് യു.കെയിലുമാണ് ഉപരിപഠനം നടത്തിക്കൊണ്ടിരിക്കുന്നത്. തിരുവനന്തപുരം കുറവന്‍കോണത്ത് സായി പ്രസാദത്തില്‍ ആനന്ദ് കുമാറിന്റേയും(നന്ദു) രാജശ്രീ പ്രസാദിന്റേയും മകനാണ് ശരത് കുമാര്‍ നമ്ബ്യാര്‍. കണ്ണനെന്ന പേരില്‍ അറിയപ്പെട്ടിരുന്നു ശരത്. അവധിയായതിനാല്‍ അമേരിക്കയില്‍ നിന്ന് ദുബായില്‍ ജോലി ചെയ്യുന്ന അമ്മയുടെ അടുത്ത് എത്തിയതാണ് ശരത്.
അമ്മയും ഒന്നിച്ച്‌ തിരുവനന്തപുരത്തേക്ക് ഒരുമിച്ച്‌ വരാനായിരുന്നു ദുബായില്‍ എത്തിയത്. ദുബായില്‍ ഐടി കമ്ബനിയില്‍ ജീവനക്കാരിയാണ് അമ്മ രാജ്രീ പ്രസാദ്. നന്ദു എന്ന പേരില്‍ അറിയപ്പെടുന്ന ആനന്ദ കുമാറിന് തലസ്ഥാനത്ത് രാഷ്ട്രീയ സാമൂഹ്യ രംഗത്ത് വലിയ ബന്ധങ്ങളുള്ള വ്യക്തിയാണ്. എങ്ങനെയാണ് കാര്‍ അപകടം ഉണ്ടായതെന്ന വിവരങ്ങള്‍ പുറത്തുവരുന്നതേയുള്ളൂ. അപകടസ്ഥലത്ത് വെച്ച്‌ തന്നെ ഇരവരും മരിച്ചുവെന്ന് ബന്ധുക്കള്‍ അറിയിച്ചു.
ഉറ്റു സുഹൃത്തുക്കളുടെ വേര്‍പാടിന്റെ ഞെട്ടലിലാണ് ബന്ധുക്കളും സുഹൃത്തുക്കളും അടക്കമുള്ളവര്‍. ദുരന്തവാര്‍ത്ത അറിഞ്ഞ് കാര്യങ്ങള്‍ തിരിക്കയുള്ള ഫോണ്‍ വിളികളും ദുബായിലേക്ക് എത്തുന്നുണ്ട്. അടുത്ത സുഹൃത്തുക്കളുടെ ഒത്തുചേരല്‍ ദുരന്തത്തില്‍ കലാശിച്ചെന്ന് വിശ്വസിക്കാന്‍ പോലും സാധിക്കാത്ത അവസ്ഥയിലാണ് ഇവര്‍ക്കൊപ്പം പഠിച്ചവരും.
