എന്നാൽ കോളനിയിൽ നടത്തിയ വിശദമായ അന്വേഷണത്തിലാണ്, വിജയനെ ഗോപി ആക്രമിക്കുന്നതു കണ്ടെന്ന മൊഴി ലഭിച്ചത്. വിജയൻ കല്ലുകൊണ്ട് തലയ്ക്ക് അടിച്ചുവെന്ന പരാതിയുമായി ഗോപി ആദ്യമേ പുൽപള്ളി സാമൂഹികാരോഗ്യ കേന്ദ്രത്തിൽ ചികിത്സ തേടിയിരുന്നു. 27നു വൈകിട്ടാണ് വിജയനും ഗോപിയും തമ്മിൽ സംഘർഷമുണ്ടായത്. ബന്ധു മരിച്ച വിവരം അറിയിക്കാത്തതു സംബന്ധിച്ചായിരുന്നു തർക്കം. ഇരുവരും കല്ലെടുത്ത് പരസ്പരം തലയ്ക്കടിക്കുകയും ചെയ്തു. മദ്യലഹരിയിലായിരുന്ന വിജയൻ അവിടെ വീണുകിടന്നു.
