അതേ സമയം സി ഐ സച്ചിദാനന്ദനെ കാസര്‍ഗോഡ് ഡെപ്യൂട്ടി എക്‌സൈസ് കമ്മീഷ്ണര്‍ അനില്‍കുമാര്‍ നേരിട്ടെത്തി അഭിനന്ദിച്ചു. സച്ചിദാനന്ദന്‍ ചാര്‍ജെടുത്തതിന് ശേഷം മഞ്ചേശ്വരം എക്‌സൈസ് ചെക്‌പോസ്റ്റില്‍ വാഹന പരിശോധന കര്‍ശനമാക്കിയിരുന്നു. തുടര്‍ന്ന് നിരവധി തവണ പാന്‍മസാലകളും, കഞ്ചാവും, കുഴല്‍പ്പണവും, സ്വര്‍ണ്ണവും വെള്ളിയുമടക്കം എക്‌സൈസ് പിടിച്ചെടുത്തിരുന്നു. ഇന്ന് 22 കിലോ കഞ്ചാവ് വേട്ടയിലൂടെ സി ഐ സച്ചിദാനന്റെ സര്‍വ്വീസില്‍ മറ്റൊരു പൊന്‍തൂവല്‍ കൂടി നേടിയിരിക്കുകയാണ്. സച്ചിദാനന്ദനെ പോലെയുള്ളവരെയാണ് സേനയ്ക്കാവശ്യമെന്നും, ഇങ്ങനെയുള്ള ഓഫസര്‍മാരെയാണ് ജനങ്ങള്‍ക്കും ആവശ്യമെന്നും കമ്മീഷ്ണര്‍ കൂട്ടിച്ചേര്‍ത്തു. വരും ദിവസങ്ങളില്‍ വാഹന പരിശോധന കര്‍ശമാക്കുമെന്ന് സി ഐ സച്ചിദാനന്ദന്‍ അറിയിച്ചു.
മഞ്ചേശ്വരം ചെക്‌പോസ്റ്റില്‍ പരിമിതികള്‍ ഏറെയാണ്. എക്‌സൈസ് സംഘത്തിന് ഉപയോഗിക്കാന്‍ ആവശ്യത്തിന് വാഹനങ്ങള്‍ ഇവിടെയില്ല. മുമ്പ് പരിശോധനകള്‍ക്കായും മറ്റും ഉപയോഗിക്കാന്‍ ഒരു ജീപ്പ് സംഘത്തിനുണ്ടായിരുന്നു. എന്നാല്‍ അത് കേടായതിനെത്തുടര്‍ന്ന് ഇപ്പോള്‍ ഉപയോഗിക്കാന്‍ എക്‌സൈസ് സംഘത്തിന് വാഹനമില്ല. വിശ്രമിക്കാന്‍ പെട്ടിക്കടയ്ക്ക് തുല്യമായ ഒരു ഓഫീസ് മാത്രമാണ്‌ചെക്‌പോസ്റ്റിന് സമീപത്തായി ഉള്ളത്. ഇവരുടെ ഊണും ഉറക്കവും എല്ലാം ഈ മുറിക്കുള്ളിലാണ്. ഈ പരിമിതികള്‍ക്കിടയിലും എക്‌സൈസ് സെഘത്തിന്റെ പ്രവര്‍ത്തനം അഭിനന്ദനാര്‍ഹമാണ്.
