മുള്ളേരിയ: ക്വാറിയില്നിന്നു മെറ്റലുമായി വരികയായിരുന്ന ടിപ്പര് ലോറി മറിഞ്ഞ് ഡ്രൈവര് മരിച്ചു. ബെള്ളൂര് പള്ളപ്പാടി സ്വദേശി മുഹമ്മദ് റഫീഖ് (33) ആണ് മരിച്ചത്. ഒപ്പമുണ്ടായിരുന്ന അഷ്റഫിന് പരിക്കേറ്റു. ഇന്നലെ ഉച്ചകഴിഞ്ഞ് മൂന്നോടെ ബെള്ളൂര് പാത്തടുക്കയില് വച്ചായിരുന്നു അപകടം. ലോറിയുടെ ടയര് പൊട്ടി റോഡിനു കുറുകേ മറിയുകയും റഫീഖ് അടിയില്പ്പെട്ടുപോകുകയുമായിരുന്നു. ജെസിബി ഉപയോഗിച്ച് വാഹനം നീക്കിയാണ് റഫീഖിനെ പുറത്തെടുത്തത്. ഭാര്യ: ഖദീജ. മക്കള്: മുഹമ്മദ് റാഫി, റാഹില.
