പാലാ ;∙ തിരഞ്ഞെടുപ്പിലെ ജയപരാജയത്തിനേക്കാള് ജനങ്ങളുടെ മനസ്സില് ഇടം നേടിയ ഒരു സ്ഥാനാര്ത്ഥിയാണ് സുധര്മ രാഘവന് . ആശുപത്രിയില് ചികിത്സയ്ക്കെത്തിയ രോഗിക്കു സ്വന്തം വൃക്ക സൗജന്യമായി നല്കിയ അവരെ ജനങ്ങള്ക്ക് മറക്കാന് സാധിക്കില്ല. മുത്തോലി പഞ്ചായത്തിലെ കാണിയക്കാട് 2-ാം വാര്ഡിലെ യുഡിഎഫ് സ്ഥാനാര്ഥിയായാണ് സുധര്മ രാഘവന് മത്സരിക്കുന്നത്. 2014 ജൂണ് 10 നു കോട്ടയം മെഡിക്കല് കോളജ് ആശുപത്രിയിലാണ് പട്ടാമ്ബി തോട്ടക്കര അബ്ബാസിനു വൃക്ക കൊടുത്തത്.
4 സെന്റിലുള്ള ചെറിയ വീട്ടില് അന്തിയുറങ്ങുന്ന സുധര്മ 2009 മുതല് മെഡിക്കല് കോളജ് കാത് ലാബിലെ താല്ക്കാലിക ജീവനക്കാരിയായി ജോലി ചെയ്യുന്നു. തന്നെപ്പോലെ സാമ്ബത്തിക ബുദ്ധിമുട്ട് അനുഭവിക്കുന്ന അബ്ബാസിനു വൃക്ക നല്കാന് കുറഞ്ഞ ഒരു നിമിഷത്തെ പരിചയമേ വേണ്ടി വന്നുള്ളൂ.
സുധര്മയുടെ ഭര്ത്താവ് കാന്സര് ബാധിതനായാണു രാഘവന് മരിക്കുകയുണ്ടായത്.
കഴിഞ്ഞ തവണ എല്ഡിഎഫിനു വേണ്ടിയാണു മത്സരിക്കുകയുണ്ടായത്. ഇത്തവണ കേരള കോണ്ഗ്രസ് ജോസഫ് വിഭാഗം പ്രതിനിധിയായാണു ജനവിധിതേടുന്നത്. കേരള കോണ്ഗ്രസ് എമ്മിലെ ജിജി ജേക്കബ് താന്നിയാനിക്കല് എല്ഡിഎഫ് സ്ഥാനാര്ഥിയായും ബിന്ദു മഞ്ഞനാല് ബിജെപി സ്ഥാനാര്ഥിയായും ഏറ്റുമുട്ടാനുണ്ട്.
