കൊൽക്കത്ത: ബി.സി.സി.ഐ പ്രസിഡന്റും മുൻ ഇന്ത്യൻ ക്രിക്കറ്റ് ടീം ക്യാപ്റ്റനുമായ സൗരവ് ഗാംഗുലിയെ വീണ്ടും ആശുപ്രതിയിൽ പ്രവേശിപ്പിച്ചു. ഇന്ന് രാവിലെ നെഞ്ചുവേദന അനുഭവപ്പെട്ടതിനെത്തുടർന്നാണ് താരത്തിനെ കൊൽക്കത്തയിലെ അപ്പോളോ ആശുപ്രതിയിൽ പ്രവേശിപ്പിച്ചത്. ആരോഗ്യസ്ഥിതിയെക്കുറിച്ചുള്ള വിശദ വിവരങ്ങൾ പുറത്തുവിട്ടിട്ടില്ല.
ഈ മാസമാദ്യം ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ച ഗാംഗുലിയെ ഏതാനും ദിവസങ്ങൾക്ക് ശേഷം ഡിസ്ചാർജ് ചെയ്തിരുന്നു. ആൻജിയോ പ്ലാസ്റ്റി ശസ്ത്രക്രിയക്ക് വിധേയമാക്കിയ താരം വീട്ടിൽ ഡോക്ടർമാരുടെ നിരീക്ഷണത്തിലായിരുന്നു.
