കണ്ണൂര്: തീവണ്ടിയിലെ കവര്ച്ചയുമായി ബന്ധപ്പെട്ട് യുവാവിനെ റെയില്വേ പൊലീസ് അറസ്റ്റ് ചെയ്തു.
ഏറനാട് എക്സ്പ്രസില് ജനുവരി 31ന് കോഴിക്കോട് നിന്ന് കാസര്കോട്ടേക്ക് വരുകയായിരുന്ന ഡോ. മുഹമ്മദ് ബാസിലിെന്റ ബാഗില്നിന്ന് മൊബൈല് ഫോണും 22,000 രൂപയും എ.ടി.എം കാര്ഡും കളവുചെയ്ത കേസില് മട്ടന്നൂര് സ്വദേശിയായ മുഹമ്മദ് ഷഹീറിനെയാണ് റെയില്വേ പൊലീസും റെയില്വേ പ്രൊട്ടക്ഷന് ഫോഴ്സും ചേര്ന്ന് പിടികൂടിയത്.
തൃക്കരിപ്പൂര് കഴിഞ്ഞപ്പോഴാണ് മൊബൈല് ഫോണും പണമടങ്ങിയ പഴ്സും നഷ്ടപ്പെട്ട കാ.
ര്യം ഡോക്ടര് അറിയുന്നത്. തലശ്ശേരിക്കും പയ്യന്നൂരിനും ഇടയിലാണ് കളവ് നടന്നതെന്ന് ഡോക്ടര് റെയില്വേ പൊലീസില് നല്കിയ പരാതിയില് പറഞ്ഞു.
തുടര്ന്ന് പൊലീസും ആര്.പി.എഫും റെയില്വേ സ്റ്റേഷനുകളിലെ സി.സി.ടി.വി പരിശോധിച്ചതില് പ്രതിയെന്ന് സംശയിക്കുന്നയാളുടെ ചിത്രം പതിഞ്ഞിരുന്നു. തുടര്ന്നുള്ള അന്വേഷണത്തിലാണ് ഷഹീര് അറസ്റ്റിലായത്.
മാഹിയില്നിന്ന് ടിക്കറ്റെടുക്കാതെയാണ് ഷഹീര് ട്രെയിനില് കയറിയതെന്നും കണ്ണൂരാണ് ഇറങ്ങിയതെന്നും റെയില്വേ പൊലീസ് എസ്.ഐ പി. നളിനാക്ഷന് പറഞ്ഞു.
റെയില്വേ പൊലീസ് എസ്.ഐമാരായ വി.വി. രാമചന്ദ്രന്, രഞ്ചിത്ത്, പി.കെ. അക്ബര്, ആര്.പി.എഫ് സ്ക്വാഡിലെ ബിനീഷ്, അബ്ബാസ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്ഡ് ചെയ്ത് കണ്ണൂര് സബ് ജയിലിലടച്ചു.