ദുബൈ: ഇന്ത്യന് സര്ക്കാര് അനുവദിച്ച ഇന്റര്നാഷനല് ലൈസന്സ് യു.എ.ഇയില് തന്നെ പുതുക്കാമെന്ന് ഇന്ത്യന് എംബസിയും കോണ്സുലേറ്റും അറിയിച്ചു. തിങ്കളാഴ്ച മുതല് ഈ സൗകര്യം പ്രാബല്യത്തില് വന്നു. കേന്ദ്ര ഗതാഗത മന്ത്രാലയത്തിെന്റ നിര്ദേശപ്രകാരമാണ് സൗകര്യം ഒരുക്കിയിരിക്കുന്നത്. അബൂദബിയിലെ ഇന്ത്യന് എംബസിയില് വര്ക്കിങ് ദിവസങ്ങളില് രാവിലെ 8.30 മുതല് ഉച്ചക്ക് 12 വരെ ഈ സേവനം ലഭ്യമാകും.
ദുബൈയില് ഊദ് മേത്തയിലെ ഐ.വി.എസ് േഗ്ലാബല് ബില്ഡിങ്ങിലെ 201, 202 റൂമിലും സൗകര്യമൊരുക്കിയിട്ടുണ്ട്.പാസ്പോര്ട്ട്, ഇന്ത്യന് ഡ്രൈവിങ് ലൈസന്സ്, ഇന്റര്നാഷനല് ഡ്രൈവിങ് പെര്മിറ്റ് എന്നിവയുടെ ഒറിജിനലുകള് കൈയില് കരുതണം. രേഖകള് കേന്ദ്രമന്ത്രാലയത്തിെന്റ 'പരിവാഹന്' പോര്ട്ടലില് അപ്ലോഡ് ചെയ്യുകയും ഫീസ് അടക്കുകയും ചെയ്യണം. 48 ദിര്ഹമാണ് ഫീസ്.
ഇന്ത്യയിലെ സെന്ട്രല് മോട്ടോര് വെഹിക്ക്ള് നിയമം ഭേദഗതി ചെയ്തതിെന്റ അടിസ്ഥാനത്തിലാണ് പുതിയ നടപടി. ഇന്ത്യ അനുവദിക്കുന്ന ഇന്റര്നാഷനല് ഡ്രൈവിങ് പെര്മിറ്റ് യു.കെ, യു.എസ്, ജര്മനി, ആസ്ട്രേലിയ, കാനഡ, സ്വിറ്റ്സര്ലന്ഡ്, ഭൂട്ടാന്, ന്യൂസിലന്ഡ്, ദക്ഷിണാഫ്രിക്ക, ഇറ്റലി, ഫ്രാന്സ്, മൗറീഷ്യസ്, ഫിന്ലാന്ഡ്, സ്പെയിന്, നോര്വെ എന്നീ രാജ്യങ്ങളിലാണ് സ്വീകരിക്കുന്നത്. ഇതിെന്റ കാലാവധി ഒരുവര്ഷമാണ്.