കാഞ്ഞങ്ങാട്: കോട്ടയം നെഹ്റു സ്റ്റേഡിയത്തിൽ നടന്ന 27-ാമത് സംസ്ഥാന സീനിയർ മിക്സഡ് വടംവലി ചാമ്പ്യൻഷിപ്പിൽ കാസർഗോഡ് ജില്ല ആദ്യമായി ഒന്നാം സ്ഥാനം നേടി. തൃശൂർ രണ്ടാം സ്ഥാനവും പാലക്കാട് മൂന്നാംസ്ഥാനവും നേടി.
ഹരീഷ് (ദൊഡവയൽ), കെ. രാഹുൽ (പെർളടുക്കം), പി.ബി. ജേഷ് (മുളിയാർ ), കെ. ഹാരിസ് (ഉദുമ ), സുധീഷ് കുമാർ കോടക്കൈ (മാങ്ങാട് ), കെ. ശ്രീകല (തണ്ണോട്ട്), എസ്. ശാലിനി (ബന്തടുക്ക), പി. മാളവിക (മൈലാട്ടി), സതി (കീക്കാനം), എം.വി. സിന്ധു (ബങ്കളം ) എന്നിവരാണ് ജില്ലയ്ക്ക് വേണ്ടി മത്സരത്തിനിറങ്ങിയത്. ബാബു കോട്ടപ്പാറ കോച്ചും പി.ആതിര മാനേജരുമായിരുന്നു. വനിതാ വിഭാഗത്തിൽ ജില്ലാ ടീം നാലാം സ്ഥാനം നേടി.