കോഴിക്കോട്: സംസ്ഥാനത്ത് സിപിഎം-ബിജെപി ധാരണയുണ്ടായിരുന്നെന്ന് ശരിവച്ച്‌ ബിജെപി നേതാവ് എം.ടി. രമേശ്. 15 വര്‍ഷം മുമ്ബ് സിപിഎമ്മുമായി ധാരണയുണ്ടായിരുന്നു. ഉദുമയില്‍ കെ.ജി മാരാര്‍ മത്സരിച്ചപ്പോള്‍ പിണറായി വിജയന്‍ ചീഫ് ഏജന്‍റായിരുന്നുവെന്നും രമേശ് പറഞ്ഞു.
സിപിഎം-ബിജെപി കൂട്ടുക്കെട്ട് നിലനില്‍ക്കുന്നതായുള്ള ആര്‍എസ്‌എസ് സൈദ്ധാന്തികന്‍ ബാലശങ്കറിന്‍റെ പ്രസ്താവന ശരിവച്ചാണ് രമേശ് രംഗത്തെത്തിയിരിക്കുന്നത്. ചെങ്ങന്നൂരില്‍ സീറ്റ് നിഷേധിക്കപ്പെട്ടതിന് കാരണം സിപിഎം- ബിജെപി കൂട്ടുകെട്ടാണെന്നും ബാലശങ്കര്‍ ആരോപിച്ചിരുന്നു.
