മലപ്പുറം: നിയമസഭാ തെരഞ്ഞെടുപ്പില് യുഡിഎഫിനു നല്ല വിജയ പ്രതീക്ഷയുണ്ടെന്ന് മുസ്ലിം ലീഗ് സംസ്ഥാന അധ്യക്ഷന് പാണക്കാട് ഹൈദരലി ശിഹാബ് തങ്ങള്. മികച്ച വിജയം നേടി യുഡിഎഫ് അധികാരത്തില് വരുമെന്ന് അദ്ദേഹം പ്രതീക്ഷ പ്രകടിപ്പിച്ചു. പാണക്കാട് സികെഎംഎല്പി സ്കൂളിലെ 97-ാം ബൂത്തില് വോട്ടു ചെയ്തശേഷം മാധ്യമപ്രവര്ത്തകരോടു സംസാരിക്കുകയായിരുന്നു അദ്ദേഹം.
എല്ലായിടത്തു നിന്നും മികച്ച റിപ്പോര്ട്ട് ആണ് കിട്ടികൊണ്ടിരിക്കുന്നതെന്നു വേങ്ങര മണ്ഡലം യുഡിഎഫ് സ്ഥാനാര്ഥിയും മുസ്ലിം ലീഗ് ദേശീയ ജനറല് സെക്രട്ടറിയുമായ പി.കെ കുഞ്ഞാലിക്കുട്ടി പറഞ്ഞു.
യുഡിഎഫിനു മികച്ച ഭൂരിപക്ഷമുണ്ടാകും. എല്ലാ പ്രവചനങ്ങളെയും കാറ്റില് പറത്തികൊണ്ടുള്ള വിജയമാണ് മണ്ഡലങ്ങളില് നിന്നു പ്രതിഫലിക്കുകയെന്നും അദ്ദേഹം കൂട്ടിച്ചേര്ത്തു.