ഉദുമ: ഇന്ത്യന്‍ ഓവര്‍സീസ്‌ ബാങ്കിന്റെ ഉദുമ ശാഖയില്‍ നിന്നും മുക്കുപണ്ടം പണയപ്പെടുത്തി രണ്ടേമുക്കാല്‍കോടി രൂപ തട്ടിയെടുത്ത കേസില്‍ ഒരാളെകൂടി പൊലീസ്‌ അറസ്റ്റുചെയ്‌തു.
കളനാട്‌ മുക്കൂടിലെ ഫാത്തിമ മന്‍സിലില്‍ മുഹമ്മദ്‌കുഞ്ഞിയുടെ മകന്‍ ടി.എ.മൊയ്‌തീന്‍ഹാഷിദ്‌(33)നെയാണ്‌ ബേക്കല്‍ ഇന്‍സ്‌പെക്ടര്‍ യു.വി.വിപിനും സംഘവും അറസ്റ്റുചെയ്‌തത്‌. ഈ കേസില്‍ നാലാംപ്രതിയാണ്‌ മൊയ്‌തീന്‍ ഹാഷിദ്‌. കേസിലെ ഒന്നാംപ്രതി മേല്‍പ്പറമ്പ്‌ അരമങ്ങാനം കൂവത്തൊട്ടി സുനൈബ്‌ വില്ലയില്‍ കെ.എ.മുഹമ്മദ്‌ സുഹൈര്‍, സുഹൈറിന്‌ മുക്കുപണ്ടം നല്‍കിയ ഡി.എ.സമീര്‍, തട്ടിപ്പിന്‌ കൂട്ടുനിന്ന ബാങ്കിലെ അെ്രെപസര്‍ നീലേശ്വരം പേരോല്‍ സ്വദേശി കുഞ്ഞികൃഷ്‌ണന്‍ എന്നിവരെ നേരത്തെ അറസ്റ്റുചെയ്‌തിരുന്നു.
