മുള്ളേരിയ:പോക്സോ കേസിൽ ജയിൽശിക്ഷ കഴിഞ്ഞിറങ്ങിയ ആദൂറിലെ സുധീഷി (35)നെ പെൺകുട്ടിയുടെ വീട്ടിൽ അക്രമം ഉണ്ടാക്കിയതിന് പോലീസ് അറസ്റ്റ് ചെയ്തു. 2017-ൽ പെൺകുട്ടിയെ പീഡിപ്പിച്ച കേസിൽ മൂന്നുവർഷം ജയിൽശിക്ഷ അനുഭവിച്ചിരുന്നു. ആറുമാസം മുമ്പാണ് ശിക്ഷ കഴിഞ്ഞ് വന്നത്. നിരന്തരശല്യം ഉണ്ടാക്കുന്നുവെന്ന പരാതിയുണ്ടായിരുന്നു. വെള്ളിയാഴ്ച രാത്രി പെൺകുട്ടിയുടെ വീട്ടിലെത്തി മുറ്റത്ത് നിർത്തിയിട്ട ബൈക്ക് അടക്കം കണ്ണിൽ കണ്ടതൊക്കെ അടിച്ചുതകർത്തു. നാട്ടുകാർ വിവരമറിയിച്ചതിനെത്തുടർന്ന് പോലീസെത്തി സുധീഷിനെ പിടികൂടുകയായിരുന്നു.
