കാസര്‍കോട് ബിജെപിയിലെ ആഭ്യന്തര സംഘര്‍ഷം രൂക്ഷം;കൂടുതല്‍ രാജികളുണ്ടായേക്കും ജില്ലാ വൈസ് പ്രസിഡന്റ്‌ ഉൾപ്പെടെ 20പേരാണ് കഴിഞ്ഞ ദിവസങ്ങളിൽ രാജിവെച്ചത്

കാസര്‍കോട് ബിജെപിയിലെ ആഭ്യന്തര സംഘര്‍ഷം രൂക്ഷം. കുമ്ബളയിലെ സിപിഎം കൂട്ടുകെട്ടിനെ ചൊല്ലി ഒരു വിഭാഗം പ്രവര്‍ത്തകരുടെ ശക്തമായ പ്രതിഷേധം,
ബിജെപി പിന്തുണയിൽ കുമ്പളയിൽ സ്ഥിരം സമിതി ചേർമാനായ സി പി എം നേതാവ് കൊഗ്ഗു വിന്റെ രാജി ഉടൻ ഉണ്ടായില്ലെങ്കിൽ കൂടുതല്‍ പ്രാദേശിക നേതാക്കള്‍ രാജി വെച്ചേക്കും. കാസര്‍കോട് ബിജെപി ജില്ലാ ഓഫീസ് പ്രതിഷേധക്കാര്‍ ഇന്നലെ പൂട്ടിയിട്ടിരുന്നു. കുമ്ബള പഞ്ചായത്ത്‌ സ്റ്റാന്‍ഡിങ് കമ്മിറ്റി തിരഞ്ഞെടുപ്പിലെ സിപിഎം - ബിജെപി കൂട്ടുകെട്ടിനെതിരെയായിരുന്നു ബിജെപി പ്രവര്‍ത്തകരുടെ പ്രതിഷേധം. പ്രശ്നത്തില്‍ കെ സുരേന്ദ്രന്‍ നേരിട്ടത്തി ചര്‍ച്ച നടത്തി പരിഹാരം കാണണമെന്ന് ആവശ്യപ്പെട്ടാണ് പ്രവര്‍ത്തകര്‍ പ്രതിഷേധം നടത്തിയത്. സുരേന്ദ്രന്‍ ഇന്നലെ കാസര്‍കോട് എത്തുമെന്നാണ് അറിയിച്ചിരുന്നത്. പല തവണ നേതൃത്വത്തിന് വിഷയത്തില്‍ പരാതി നല്‍കിയെങ്കിലും നടപടിയുണ്ടായില്ലെന്ന് ബിജെപി പ്രവര്‍ത്തകര്‍ ആരോപിക്കുന്നു. ഇന്നലെ രാവിലെ മുതലാണ് കാസര്‍കോട് ജില്ലാ കമ്മിറ്റി ഓഫീസിന് മുന്നില്‍ പ്രതിഷേധം തുടങ്ങിയത്. രാവിലെ 9.30യ്ക്ക് തുടങ്ങിയ മുദ്രാവാക്യം വിളിയും, ഉപരോധവും രണ്ടര മണിക്കൂറോളം നീണ്ടു. ഇന്നലെ കാസര്‍കോടെത്തുമെന്ന് പ്രഖ്യാപിച്ചിരുന്ന കെ സുരേന്ദ്രന്‍ എത്താതിരുന്നതാണ് പ്രതിഷേധം നടത്താന്‍ പ്രവര്‍ത്തകരെ പ്രേരിപ്പിച്ചത്. കുമ്ബള പഞ്ചായത്തിലെ സ്റ്റാന്‍ഡിംഗ് കമ്മിറ്റി തെരഞ്ഞെടുപ്പില്‍ ചെയര്‍മാന്‍ സ്ഥാനത്തേക്ക് സിപിഎമ്മുമായി കൂട്ടുചേര്‍ന്നു മത്സരിച്ചുവെന്നാണ് ആക്ഷേപം. സ്റ്റാന്‍ഡിംഗ് കമ്മിറ്റി അധ്യക്ഷ സ്ഥാന വഹിക്കുന്ന പ്രേമലത, പ്രേമാവതി എന്നിവരെ പുറത്താക്കണമെന്നും ഈ പദ്ധതി ആവിഷ്കരിച്ച മുന്‍ ജില്ലാ പ്രസിഡന്‍്റ് ശ്രീകാന്ത്, മണികണ്ഠ റൈ, പി സുരേഷ് കുമാര്‍ ഷെട്ടി എന്നീ നേതാക്കന്‍മാര്‍ക്കെതിരെ നടപടി വേണമെന്നുമാണ് പ്രവര്‍ത്തകര്‍ ആവശ്യപ്പെടുന്നത്. 2020 ‍ഡിസംബറിലാണ് വിവാദങ്ങളുടെ തുടക്കം, തെരഞ്ഞെടുപ്പ് നടന്നപ്പോള്‍ തന്നെ പ്രവര്‍ത്തകര്‍ പരാതിയുമായി നേതൃത്വത്തെ സമീപിച്ചു. ഇത്രയും കാലമായി നടപടിയെടുത്തില്ല. സൂത്രധാരന്‍മാരായ മൂന്ന് പേര്‍ക്കും പാര്‍ട്ടി സ്ഥാനക്കയറ്റം നല്‍കുകയും ചെയ്തു. ജില്ലാ പ്രസിഡന്‍്റായിരുന്ന ശ്രീകാന്ത് ഇപ്പോള്‍ സംസ്ഥാന സെക്രട്ടറിയാണ്, സുരേഷ് കുമാര്‍ ഉത്തരമേഖല ജനറല്‍ സെക്രട്ടറിയാണ്. മണികണ്ഠ റൈ ഇപ്പോള്‍ ജില്ലാ സെക്രട്ടറിയാണ്. പ്രവര്‍ത്തകരുടെ വാക്ക് മാനിക്കാത്ത രീതിയാണ് സംസ്ഥാന നേതൃത്വത്തിന്‍റേതെന്നും പ്രശ്നം പരിഹരിക്കാതെ ഓഫീസ് തുറക്കാന്‍ അനുവദിക്കില്ലെന്നും പ്രവര്‍ത്തകര്‍ പറയുന്നു. ഒരു തരത്തിലുള്ള ബിജെപി പരിപാടിയും സംസ്ഥാനത്ത് അനുവദിക്കില്ലെന്ന ഉറച്ച നിലപാടിലാണ് ഇവര്‍. നാല് ദിവസത്തിനകം വിഷയത്തില്‍ ഒരു തീരുമാനമുണ്ടാകണമെന്നാണ് പ്രതിഷേധക്കാര്‍ ആവശ്യപ്പെടുന്നത്. കൊഗ്ഗുവിനെ വിജയിപ്പിക്കാന്‍ ഒത്തുകളിച്ച ജില്ലാ - സംസ്ഥാന നേതാക്കള്‍ക്കെതിരെ നടപടി സ്വീകരിക്കണമെന്ന് ആവശ്യപ്പെട്ട്  നേതാക്കള്‍ കൂട്ടത്തോടെ രാജിവെച്ചു.
ബദിയടുക്ക മുൻ പഞ്ചായത്ത് പ്രസിഡന്റായിരുന്ന സായിറാം ബട്ടിന്റെ മകൻ ബിജെപി യുടെ സംസ്ഥാന കൗൺസിലിൽ നിന്നും രാജി വെച്ചിരുന്നു,
ജില്ലാ ഉപാധ്യക്ഷന്‍ പി.രമേശ്‌ അടക്കം 20 പേരാണ്ഇതുവരെ രാജിവെച്ചത്. വരും ദിവസങ്ങളില്‍ കൂടുതല്‍ പേര്‍ രാജി വെയ്ക്കുമെന്നാണ് സൂചന.
Previous Post Next Post
Kasaragod Today
Kasaragod Today

Artic