കാസർകോട്: പഞ്ചായത്ത് തെരഞ്ഞെടുപ്പിന് മുന്നോടിയായി ജില്ലയിലെ പൊലീസ് ഇൻസ്പെക്ടർമാരെ മാറ്റി നിയമിച്ചു കൊണ്ടുള്ള ഉത്തരവ് ഇറങ്ങി. മഞ്ചേശ്വരം പൊലീസ് സ്റ്റേഷൻ ഇൻസ്പെക്ടറായി ഹൊസ്ദുർഗിൽ നിന്ന് പി.അജിത് കുമാറിനെ മാറ്റി നിയമിച്ചു. അമ്പലത്തറ ഇൻസ്പെക്ടർ ആയ കെ പി ഷൈൻ ആണ് പുതിയ വിദ്യാനഗർ ഇൻസ്പെക്ടർ. എൻ പി രാഘവനെ മേൽപ്പറമ്പിലും ചിറ്റാരിക്കാലിൽ നിന്ന് രഞ്ജിത്ത് രവീന്ദ്രനെ അമ്പലത്തറയിലും വിദ്യാനഗറിൽ നിന്ന് യുപി വിപിനെ ബേക്കലിലും മാറ്റി നിയമിച്ചു. മഞ്ചേശ്വരം ഇൻസ്പെക്ടർ ഇ. അനൂപ് കുമാറിനെ ഹൊസ്ദുർഗിലും അനിൽകുമാറിനെ ബദിയടുക്കയിലും ആദൂരിലും നിയമിച്ചു. ബേക്കലിൽ നിന്ന് എം.വി.ശ്രീദാസിനെ ചീമേനിയിലും മാറ്റി നിയമിച്ചു. കുമ്പള ഇൻസ്പെക്ടർ ജിജേഷിനെ കാസർകോട് വിജിലൻസിലും നിയമിച്ചു. മേൽ പറമ്പ് ഇൻസ്പെക്ടർ എ.സന്തോഷ് കുമാറാണ് പുതിയ ചിറ്റാരിക്കാൽ ഇൻസ്പെക്ടർ.
