കാസർഗോഡ്: ബാവിക്കര റഗുലേറ്ററിന്റെ മെക്കാനിക്കല് ഷട്ടറുകളുടെ ട്രയല് റണ് നടക്കുന്നതിനാല് ഇന്നു മുതല് 15 വരെ റഗുലേറ്ററിന് മുകളിലും താഴെയുമായി 500 മീറ്റര് പരിധിയില് ജനങ്ങള് പുഴയില് ഇറങ്ങുവാനോ തോണികളില് സഞ്ചരിക്കുവാനോ പാടില്ലെന്ന് കാസര്ഗോഡ് മൈനര് ഇറിഗേഷന് അസി. എക്സിക്യൂട്ടീവ് എൻജിനിയര് അറിയിച്ചു.
41 പേര്ക്ക് കോവിഡ്
കാസര്ഗോഡ്: ജില്ലയില് 41 പേര്ക്ക് കൂടി കോവിഡ്-19 പോസിറ്റീവായി. ഇതോടെ ഇതുവരെ രോഗം സ്ഥിരീകരിച്ചവരുടെ എണ്ണം 26,507 ആയി. 82 പേര് രോഗമുക്തരായി. നിലവില് 953 പേരാണ് ജില്ലയില് ചികിത്സയിലുള്ളത്.വീടുകളില് 5,693 പേരും സ്ഥാപനങ്ങളില് 370 പേരുമുള്പ്പെടെ ജില്ലയില് ആകെ നിരീക്ഷണത്തിലുള്ളത് 6,063 പേരാണ്.
പുതിയതായി 392 പേരെ കൂടി നിരീക്ഷണത്തിലാക്കി. സെന്റിനല് സര്വേയടക്കം പുതിയതായി 147 സാമ്പിളുകള് കൂടി പരിശോധനയ്ക്ക് അയച്ചു. 72 പേരുടെ പരിശോധനാഫലം ലഭിക്കാനുണ്ട്.