കുവൈത്ത് സിറ്റി: 2020ല് കുവൈത്തിലെ വിദേശികളുടെ എണ്ണത്തില് 1,34,000 കുറവുണ്ടായി. മൊത്തം കുവൈത്ത് ജനസംഖ്യയില് 2.2 ശതമാനത്തിെന്റ കുറവുണ്ടായി.
സിവില് ഇന്ഫര്മേഷന് അതോറിറ്റിയുടെ റിപ്പോര്ട്ട് അനുസരിച്ച് വിദേശികളുടെ എണ്ണത്തില് നാല് ശതമാനത്തിെന്റ കുറവാണുണ്ടായത്. 2020 ഡിസംബര് അവസാനത്തെ കണക്ക് അനുസരിച്ച് കുവൈത്ത് ജനസംഖ്യ 46,70,000 ആണ്. 2019 അവസാനത്തില് ഇത് 47,76,000 ആയിരുന്നു.
വിദേശികള് കാര്യമായി കൊഴിഞ്ഞുപോയതാണ് രാജ്യനിവാസികളുടെ എണ്ണത്തില് കുറവിന് വഴിവെച്ചത്.
വിദേശി ജനസംഖ്യ കഴിഞ്ഞ വര്ഷം അവസാനത്തെ കണക്കനുസരിച്ച് 32,10,000 ആണ്. 2019 അവസാനത്തില് ഇത് 33,44,000 ആയിരുന്നു. ആകെ കുവൈത്ത് വിട്ട പ്രവാസികളില് 52 ശതമാനവും ഇന്ത്യക്കാരാണ്. 22.5 ശതമാനം ഇൗജിപ്തുകാരും പത്ത് ശതമാനം ബംഗ്ലാദേശികളും 4.5 ശതമാനം ഫിലിപ്പീനികളുമാണ്. കോവിഡ് പ്രതിസന്ധിയും സ്വദേശിവത്കരണ നടപടികളും വിസ പുതുക്കുന്നതിന് പ്രായപരിധി ഉള്പ്പെടെ നിബന്ധനകള് കൊണ്ടുവന്നതും വിദേശികളുടെ തിരിച്ചുപോക്കിന് വഴിവെച്ചു. അവധിക്ക് പോയ നിരവധി പേര് വിമാനമില്ലാത്തതിനാല് തിരിച്ചുവരാന് കഴിയാതെ കുടുങ്ങി. വിദേശികളുടെ എണ്ണം കുറച്ച് ജനസംഖ്യ സന്തുലനം സാധ്യമാക്കാനുള്ള ശ്രമത്തിലാണ് സര്ക്കാര്.
ഇൗ ശ്രമങ്ങള് വിജയം കാണുന്നതാണ് സമീപകാല കണക്കുകള് വ്യക്തമാക്കുന്നത്. പുതിയ വര്ക്ക് പെര്മിറ്റ് അനുവദിക്കുന്നതിന് മന്ത്രിസഭയുടെ അനുമതി വേണമെന്ന നിബന്ധന വെച്ചതോടെ രാജ്യത്തേക്ക് തൊഴില് തേടിയെത്തുന്നവരുടെ ഒഴുക്ക് നിലക്കും. പല കാരണങ്ങളാല് വിദേശികള് തിരിച്ചുപോകുന്നതുകൂടി കണക്കിലെടുക്കുേമ്ബാള് വരും വര്ഷങ്ങളിലും വിദേശി ജനസംഖ്യ കുറയാനാണ് സാധ്യത.