കോഴിക്കോട്: ഫൈസല്‍ ബാബുവിനെ യൂത്ത്ലീഗ് അഖിലേന്ത്യ ജന. സെക്രട്ടറിയായി തെരഞ്ഞെടുത്തു. മുസ്ലിം ലീഗ് ദേശീയ പ്രസിഡന്‍റ് ഖാദര്‍ മൊയ്തീനാണ് ഇക്കാര്യം അറിയിച്ചത്. സി.കെ. സുബൈര്‍ രാജിവെച്ച ഒഴിവിലേക്കാണ് ഫൈസല്‍ ബാബുവിന്‍റെ നിയോഗം. നിലവില്‍ അഖിലേന്ത്യ വൈസ് പ്രസിഡന്‍റാണ്.
കാലിക്കറ്റ് സര്‍വ്വകലാശാലയില്‍ നിന്ന് സോഷ്യോളജിയില്‍ ബിരുദവും ബിരുദാനന്തര ബിരുദവും നേടിയ ശേഷം കണ്ണൂര്‍ സര്‍വ്വകലാശാല കാമ്ബസിലെ സ്കൂള്‍ ഓഫ് ലീഗല്‍ സ്റ്റഡീസില്‍ നിന്ന് ത്രിവത്സര എല്‍.എല്‍.ബി പഠനം പൂര്‍ത്തിയാക്കി. കേരളാ ഹൈകോടതിയില്‍ അഭിഭാഷകനായി പ്രക്ടീസ് ചെയ്യുന്നു.
വിദ്യാര്‍ഥി രാഷ്ട്രീയത്തിലൂടെ പൊതുരംഗത്ത് എത്തി.
മികച്ച പ്രഭാഷകനാണ്. കണ്ണൂര്‍ സര്‍വ്വകലാശാല കലോത്സവത്തില്‍ ഇംഗ്ലീഷ് - മലയാളം പ്രസംഗ-സംവാദ മത്സരങ്ങളില്‍ ഒന്നാമതായിരുന്നു. ആള്‍ട്ടര്‍നേറ്റീവ് സോഷ്യല്‍ എംപവര്‍മെന്റ് ട്രസ്റ്റ് ഇന്ത്യ ചെയര്‍മാന്‍, സിഎച്ച്‌ സെന്‍റര്‍ സെക്രട്ടറി, ജൂനിയര്‍ ചേംബര്‍ ഇന്റര്‍നാഷണല്‍ അംഗം, ദയാമന്‍സില്‍ സ്ഥാപകാംഗം എന്നീ നിലകളില്‍ പ്രവര്‍ത്തിച്ചു. നെഹ്റു ഫിലോസഫിക്കല്‍ സൊസൈറ്റി കോ-ചെയര്‍മാനാണ്.
മുംതാസ് മഹല്‍ ഗ്രൂപ് ഓഫ് കമ്ബനീസ് മാനേജിംഗ് ഡയറക്ടര്‍ വി.കെ. യാഹു ഹാജിയാണ് പിതാവ്. മാതാവ്: മച്ചിഞ്ചേരിത്തൂമ്ബില്‍ ഫാത്വിമ മോള്‍. അലോവര്‍ ഫാര്‍മസ്യൂട്ടിക്കല്‍സ് സി.ഇ.ഒ. ഡോ. ഹാജറയാണ് ഭാര്യ. മക്കള്‍; ഫിദല്‍ അഹ്മദ്, മറിയ തലാശ്.
