മഞ്ചേശ്വരത്തെന്ന പോലെ കോന്നിയിലും ഹെലികോപ്ടറിലായിരുന്നു സുരേന്ദ്രെന്റ വരവ്. പെരുനാട് ഹെലിപ്പാഡില് പറന്നിറങ്ങിയ സുരേന്ദ്രനെ പ്രധാന പ്രവര്ത്തകര് ചേര്ന്ന് സ്വീകരിച്ചു. തുടര്ന്ന് മണ്ഡലം അതിര്ത്തിയായ കുമ്ബഴ കളീക്കപ്പടിയില് സ്വീകരണം നല്കി. സ്വീകരണ പര്യടനത്തിന് ശേഷം കോന്നി സെല്ട്രല് ജങ്ഷനില് തെരഞ്ഞെടുപ്പ് കമ്മിറ്റി ഓഫിസും സുരേന്ദ്രന് ഉദ്ഘാടനം ചെയ്തു. ബി.ജെ.പി കോന്നി മണ്ഡലം പ്രസിഡന്റ് ജി. മനോജ് യോഗത്തില് അധ്യക്ഷത വഹിച്ചു.
സുരേന്ദ്രന്റെ ആര്ഭാട യാത്രക്കെതിരെ സെക്കിളിലും ട്രാക്ടറിലും റാലി നടത്തി ഇടതുപക്ഷം പ്രതിഷേധം നടത്തിയിരുന്നു. സുരേന്ദ്രന് ഹെലികോപ്ടറില് വന്നിറിങ്ങിയ പൈവളികെയിലായിരുന്നു പ്രതിഷേധം.
ഇന്നത്തെ സാഹചര്യത്തില് ഒരു ടാക്സിയെടുത്ത്, കാറെടുത്ത് കാസര്കോട് നിന്ന തിരുവനന്തപുരത്തേക്ക് പോവുന്നതിനേക്കാള് എത്രയോ ലാഭകരമാണ് ഒരു ഹെലികോപ്ടര് വാടകക്കെടുക്കുന്നത്- എം.ടി രമേശ് പറഞ്ഞു.
ബി.ജെ.പി സംസ്ഥാന അധ്യക്ഷന് കെ.സുരേന്ദ്രന് ഹെലികോപ്റ്ററില് തെരഞ്ഞെടുപ്പ് പ്രചരണം നടത്തുന്നതിനെതിരെ വിമര്ശനം ഉയര്ന്നിരുന്നു. ഈ സാഹചര്യത്തിലാണ് എം.ടി രമേശിന്റെ പ്രതികരണം. മഞ്ചേശ്വരത്തും കോന്നിയിലും മത്സരിക്കുന്ന കെ. സുരേന്ദ്രന്റെ പ്രചാരണം എളുപ്പമാക്കാനാണ് ഹെലികോപ്ടര് ഉപയോഗിക്കുന്നതെന്നാണ് ബി.ജെ.പി വാദം.